Інфармацыйна-аналітычнае ўпраўленне

Паштовы адрас:
вул. Савецкая, 11, 220010, г. Мінск, Рэспубліка Беларусь

Факс:  +375 (17) 222-32-13
Тел.:   +375 (17) 222-64-75
            +375 (44) 755-22-94

Электронная пошта:
inform@house.gov.by


04.02.2020

4 лютага 2020 года ў Палаце прадстаўнікоў адбылася сустрэча старшыні Пастаяннай камісіі Палаты прадстаўнікоў па міжнародных справах Савіных А.У. з парламенцкай дэлегацыяй Федэратыўнай Рэспублікі Германія на чале з кіраўніком германска-беларускай парламенцкай групы Бундэстага Федэратыўнай Рэспублікі Германія Маркам Хауптманам.

Бакі абмяняліся думкамі па шырокім коле пытанняў, у тым ліку якія датычацца паглыблення супрацоўніцтва ў гандлёва-эканамічнай, гуманітарнай і іншых сферах дзейнасці. Асаблівая ўвага была нададзена развіццю міжпарламенцкага дыялогу.

У ходзе сустрэчы А.У.Савіных адзначыў станоўчую дынаміку развіцця двухбаковых адносін Беларусі і Германіі. Ён выказаўся за далейшае паглыбленне міжпарламенцкага ўзаемадзеяння ў мэтах нарошчвання ўзаемавыгаднага супрацоўніцтва, развіцця перспектыўных інвестыцыйных праектаў і пашырэння кааперацыйных сувязей дзвюх краін.


Са свайго боку, М.Хауптман падзякаваў за цёплы прыём і выказаў зацікаўленасць у развіцці больш цеснага супрацоўніцтва з Беларуссю і паглыбленні дыялогу па розных пытаннях, што прадстаўляюць узаемны інтарэс.

У сустрэчы прынялі ўдзел члены Пастаяннай камісіі Палаты прадстаўнікоў па міжнародных справах Варанецкі В.І., Гайдукевіч А.С., Дзік С.К., Назаранка В.А., Сыранкоў С.А.

 


Усе навіны
Галоўныя навіны
Усе навіны Заканадаўчая дзейнасць Грамадска-палітычная дзейнасць Міжнародная дзейнасць