Інфармацыйна-аналітычнае ўпраўленне

Паштовы адрас:
вул. Савецкая, 11, 220010, г. Мінск, Рэспубліка Беларусь

Факс:  +375 (17) 222-32-13
Тел.:   +375 (17) 222-64-75
            +375 (44) 755-22-94

Электронная пошта:
inform@house.gov.by


06.02.2019

6 лютага 2019 года Я.Б.Адаменка правёў чарговае пасяджэнне Пастаянай камісіі Палаты прадстаўнікоў па аграрнай палітыцы.

У пасяджэнні прынялі ўдзел дэпутаты Палаты прадстаўнікоў Нацыянальнага сходу Рэспублікі Беларусь, якія ўваходзяць у склад іншых камісій, Міністр эканомікі Рэспублікі Беларусь Крутой Д.М., а таксама прадстаўнікі Міністэрства замежных спраў, Міністэрства спорту і турызму, Нацыянальнага цэнтра заканадаўства і прававых даследаванняў, Апарату Савета Міністраў.


На пасяджэнні было абмеркавана пытанне падрыхтоўкі да разгляду ў Палаце прадстаўнікоў унесеных Саветам Міністраў праектаў законаў Рэспублікі Беларусь:

«Аб ратыфікацыі Пагаднення паміж Урадам Рэспублікі Беларусь і Урадам Кітайскай Народнай Рэспублікі аб рэалізацыі праекта тэхніка-эканамічнай дапамогі «Нацыянальны футбольны стадыён»;

«Аб ратыфікацыі Пагаднення паміж Урадам Рэспублікі Беларусь і Урадам Кітайскай Народнай Рэспублікі аб рэалізацыі праекта тэхніка-эканамічнай дапамогі «Басейн міжнароднага стандарту».

Прадстаўляючы названыя законапраекты, Міністр эканомікі Крутой Дзмітрый Мікалаевіч адзначыў, што развіццё адносін з Кітайскай Народнай Рэспублікай — гэта нязменны прыярытэт знешнеэканамічнай палітыкі Беларусі і прыклад выбудоўвання раўнапраўных, паважлівых і ўзаемавыгадных адносін паміж нашымі краінамі

Гэтымі законапраектамі прадугледжваецца ратыфікацыя заключаных у форме абмену лістамі і падпісаных у горадзе Мінску 10 кастрычніка 2018 года пагадненняў паміж урадамі Беларусі і Кітая аб рэалізацыі праектаў тэхніка-эканамічнай дапамогі «Басейн міжнароднага стандарту» і «Нацыянальны футбольны стадыён», якія, у сваю чаргу, былі падрыхтаваны на падставе адпаведных указаў Прэзідэнта Рэспублікі Беларусь.

Пагадненні прадугледжваюць, што кітайскі бок дае згоду на аказанне тэхніка-эканамічнай дапамогі беларускаму боку ў рэалізацыі праектаў «Басейн міжнароднага стандарту» і «Нацыянальны футбольны стадыён».

Крутой Д.М. таксама праінфармаваў аб праектаванні, будаўніцтве названых аб’ектаў і аб асобных аспектах рэалізацыі праектаў.

Дэпутаты Палаты прадстаўнікоў задалі шэраг удакладняльных пытанняў, у прыватнасці якія датычацца:

суадносін правілаў рэалізацыі названых праектаў з палажэннямі законаў «Аб забеспячэнні адзінства вымярэнняў», «Аб тэхнічным нарміраванні і стандартызацыі», «Аб архітэктурнай, горадабудаўнічай і будаўнічай дзейнасці ў Рэспубліцы Беларусь» і інш.;

узвядзення, прыняцця ў эксплуатацыю, утрымання і абслугоўвання аб’ектаў «Басейн міжнароднага стандарту» і «Нацыянальны футбольны стадыён» і інш.


У ходзе дыскусіі адзначана, што будаўніцтва гэтых аб’ектаў дазволіць праводзіць у нашай краіне мерапрыемствы міжнароднага ўзроўню, а таксама будзе спрыяць далейшаму ўмацаванню беларуска-кітайскіх адносін.

З асобнымі каментарамі выступілі прадстаўнікі Міністэрства замежных спраў, Міністэрства спорту і турызму, Нацыянальнага цэнтра заканадаўства і прававых даследаванняў.

З улікам прадстаўленых ва ўстаноўленым парадку заключэнняў па законапраектах, меркаванняў пастаянных камісій, галоўнага прававога ўпраўлення Сакратарыята Палаты прадстаўнікоў, іншых зацікаўленых, удзельнікі пасяджэння сышліся ў меркаванні аб мэтазгоднасці ратыфікацыі Палатай прадстаўнікоў прадстаўленых міжнародных дагавораў.


Па іншых пытаннях парадку дня пасяджэння дэпутаты прынялі да разгляду Пастаяннай камісіі праект Закона Рэспублікі Беларусь «Аб унясенні дапаўненняў і змяненняў у некаторыя законы Рэспублікі Беларусь», абмеркавалі законапраекты, якія паступілі з іншых пастаянных камісій, і разгледзелі бягучыя пытанні, якія адносяцца да кампетэнцыі Пастаяннай камісіі.


Усе навіны
Галоўныя навіны
Усе навіны Заканадаўчая дзейнасць Грамадска-палітычная дзейнасць Міжнародная дзейнасць