Інфармацыйна-аналітычнае ўпраўленне
Паштовы адрас:
вул. Савецкая, 11, 220010, г. Мінск, Рэспубліка Беларусь
Факс: +375 (17) 222-32-13
Тел.: +375 (17) 222-64-75
Электронная пошта:
inform@house.gov.by
7 чэрвеня 2021 года пад эгідай Пастаяннай камісіі Палаты прадстаўнікоў па міжнародных справах стартаваў цыкл рэгіянальных нарад кіраўнікоў рабочых груп Нацыянальнага сходу Рэспублікі Беларусь па супрацоўніцтве з парламентамі замежных дзяржаў.
Мэта нарад — з улікам нацыянальных прыярытэтаў знешняй палітыкі Рэспублікі Беларусь вызначыць перспектыўныя напрамкі прыцягнення інструментаў міжпарламенцкага супрацоўніцтва.
У нарадзе, прысвечанай пытанням развіцця міжпарламенцкага супрацоўніцтва з краінамі Азіі, Аўстраліі і Акіяніі, прынялі ўдзел дэпутаты Палаты прадстаўнікоў і члены Савета Рэспублікі, прадстаўнікі знешнепалітычнага ведамства Рэспублікі Беларусь, Дзяржаўнага камітэта па навуцы і тэхналогіях, міністэрстваў прамысловасці, адукацыі, культуры, транспарту і камунікацый, Беларускай гандлёва-прамысловай палаты, ГУ «Нацыянальнае агенцтва па інвестыцыях і прыватызацыі».
Старшыня
Пастаяннай камісіі Палаты прадстаўнікоў па міжнародных справах Савіных А.У.
інфармаваў аб формах і метадах працы рабочых груп Нацыянальнага сходу
Рэспублікі Беларусь з парламентамі замежных дзяржаў. Удзельнікі нарады таксама
разгледзелі актуальныя аспекты развіцця знешнепалітычнай і знешнеэканамічнай
дзейнасці Рэспублікі Беларусь, абмеркавалі асноўныя напрамкі міжпарламенцкага
супрацоўніцтва, узаемадзеяння з дзяржаўнымі арганізацыямі і ведамствамі,
грамадскімі арганізацыямі Рэспублікі Беларусь па прасоўванні нацыянальных
інтарэсаў нашай краіны ў гэтым рэгіёне.
Было прызнана
мэтазгодным сканцэнтраваць намаганні рабочых груп на фарміраванне ўстойлівых
кантактаў з адпаведнымі парламенцкімі групамі дружбы ў заканадаўчых органах
замежных дзяржаў, а таксама на ўзаемадзеянне з галіновымі міністэрствамі і
ведамствамі Рэспублікі Беларусь па прасоўванні нацыянальных інтарэсаў за мяжой
і ўмацаванні станоўчага іміджу краіны.