Інфармацыйна-аналітычнае ўпраўленне
Паштовы адрас:
вул. Савецкая, 11, 220010, г. Мінск, Рэспубліка Беларусь
Факс: +375 (17) 222-32-13
Тел.: +375 (17) 222-64-75
Электронная пошта:
inform@house.gov.by
7 чэрвеня 2022 года пад кіраўніцтвам М.А.Васількова адбылося пасяджэнне Пастаяннай камісіі Палаты прадстаўнікоў па пытаннях экалогіі, прыродакарыстання і чарнобыльскай катастрофы.
Дэпутаты разгледзелі пытанне аб праекце Закона Рэспублікі
Беларусь «Аб ратыфікацыі Пратакола да Часовага пагаднення, якое вядзе да
ўтварэння зоны свабоднага гандлю паміж Еўразійскім эканамічным саюзам і яго
дзяржавамі-членамі, з аднаго боку, і Ісламскай Рэспублікай Іран, з другога
боку, ад 17 мая 2018 года».
Прадстаўляючы законапраект, намеснік Міністра замежных спраў
Рэспублікі Беларусь Назарук І.В. паведаміў, што праект Закона падрыхтаваны ў
мэтах выканання ўнутрыдзяржаўных працэдур, у прыватнасці, прыняцця рашэння аб
ратыфікацыі Рэспублікай Беларусь Пратакола, якая неабходна для яго наступнага
ўступлення ў сілу
і накіравана на развіццё экспартнага патэнцыялу Рэспублікі Беларусь. Пратакол
быў падпісаны ў г. Тэгеране (Ісламская Рэспубліка Іран)
14 сакавіка 2022 года і прадугледжвае падаўжэнне тэрміну дзеяння Часовага
пагаднення на тры гады (да 27 кастрычніка 2025 года) або да ўступлення ў сілу
поўнафарматнага пагаднення.
Па выніках абмеркавання прынята рашэнне ўключыць
законапраект у графік падрыхтоўкі для разгляджання на восьмай сесіі Палаты
прадстаўнікоў.
Таксама былі абмеркаваны іншыя пытанні, якія тычацца
дзейнасці камісіі, і прыняты адпаведныя рашэнні.