8 чэрвеня 2021 года пад эгідай Пастаяннай камісіі Палаты прадстаўнікоў па міжнародных справах прайшла нарада кіраўнікоў рабочых груп Нацыянальнага сходу Рэспублікі Беларусь па супрацоўніцтве з парламентамі краін Еўропы.

У нарадзе прынялі ўдзел дэпутаты Палаты прадстаўнікоў, члены Савета Рэспублікі і кіраўнікі структурных падраздзяленняў Міністэрства замежных спраў Рэспублікі Беларусь.

Парламентарыі абмеркавалі актуальныя пытанні развіцця міжпарламенцкага супрацоўніцтва ў кантэксце сучасных адносін, вызначылі асноўныя напрамкі развіцця дыялогу па лініі міжпарламенцкіх груп дружбы і ўнеслі шэраг прапаноў па далейшым ўзаемадзеянні з заканадаўчымі органамі еўрапейскіх дзяржаў.

Асаблівая ўвага была ўдзелена неабходнасці актыўнай працы з парламентарыямі краін Еўрапейскага саюза па ўспрыманні грамадска-палітычных трансфармацый у Беларусі і аргументаванаму абмеркаванню небяспекі разбурэння прававой асновы міжнародных адносін праз выкарыстанне санкцый і іншых формаў эканамічнага прымусу ў дачыненні да суверэнных дзяржаў.