Інфармацыйна-аналітычнае ўпраўленне
Паштовы адрас:
вул. Савецкая, 11, 220010, г. Мінск, Рэспубліка Беларусь
Факс: +375 (17) 222-32-13
Тел.: +375 (17) 222-64-75
Электронная пошта:
inform@house.gov.by
8 верасня 2021 года дэпутаты Палаты прадстаўнікоў Нацыянальнага сходу Рэспублікі Беларусь Зайцаў Я.С. і Адзінцова С.У. прынялі ўдзел у анлайн-семінары Парламенцкай асамблеі АБСЕ на тэму "Павышэнне эфектыўнасці выканання рэзалюцыі 1325 Савета Бяспекі ААН у рэгіёне АБСЕ: Уклад парламентарыяў у справу жанчын, міру і бяспекі".
На пасяджэнні былі прадстаўлены даклады Старшыні ПА АБСЕ Маргарэты Седэрфельт (Швецыя), Генеральнага сакратара ПА АБСЕ Раберта Мантэлы, Спецыяльнага прадстаўніка ПА АБСЕ па гендарных пытаннях Хедзі Фрай (Канада), Спецыяльнага прадстаўніка ПА АБСЕ па Паўднёвым Каўказе Кары Хенрыксен (Нарвегія), старшыні сеткі падтрымкі жанчын АБСЕ «MenEngage» Пасла Ніла Буша і дырэктара Цэнтра АБСЕ па прадухіленні канфліктаў Пасла Туулы Юр’ёлі.
Падчас абмеркавання парламентарыі засяродзілі ўвагу на тым, як палітычныя лідары і парламентарыі дзяржаў – удзельніц АБСЕ могуць прасоўваць парадак дня «Жанчыны, мір і бяспека». Была адзначана важнасць абмену перадавым вопытам у рэгіёне АБСЕ пры выкананні рэзалюцыі Савета Бяспекі ААН 1325, падкрэсліваючай цэнтральную ролю жанчын у прадухіленні і вырашэнні канфліктаў.