Інфармацыйна-аналітычнае ўпраўленне
Паштовы адрас:
вул. Савецкая, 11, 220010, г. Мінск, Рэспубліка Беларусь
Факс: +375 (17) 222-32-13
Тел.: +375 (17) 222-64-75
Электронная пошта:
inform@house.gov.by
9 лютага 2022 года накіроўваючыся ў Панаму для ўдзелу ў XXXVI Генеральнай асамблеі ПАРЛАЦІНА, намеснік Старшыні Палаты прадстаўнікоў Міцкевіч В.В. па папярэдняй дамоўленасці наведаў Міжнародную турыстычную выставу Усходняга Міжземнамор’я EMITT у г. Стамбуле.
Намеснік Старшыні Палаты прадстаўнікоў азнаёміўся з нацыянальным стэндам, які прадстаўляе Рэспубліку Беларусь.
Прэзентацыя Гродзенскай вобласці вельмі спадабалася ўсім наведвальнікам выставы. Славутасці Гродзеншчыны — гэта сапраўды беларускае багацце.
Гаворачы аб турыстычнай індустрыі і стамбульскай выстаўцы, намеснік Старшыні Палаты прадстаўнікоў адзначыў, што мы вярнуліся на гэту пляцоўку праз чатыры гады, і вельмі гэтаму рады. Ён падкрэсліў таксама высокі ўзровень развіцця турыстычных паслуг у краінах, якія былі прадстаўлены на выставе.
Падчас
мерапрыемстваў прайшла сустрэча віцэ-спікера з дырэктарам упраўлення турызму,
падарожжаў і моды холдынгу ITE, дырэктарам выставы EMITT спадарыняй Х.Айдын.
Адзначаючы пазітыўнае супрацоўніцтва Беларусі і Турцыі, В.В.Міцкевіч сказаў, што гэта дружалюбныя краіны, нас не падзяляюць ніякія канфлікты, а, наадварот, аб’ядноўваюць партнёрскія адносіны і агульны погляд на многія глабальныя працэсы.
Ён адзначыў гатоўнасць прадоўжыць работу з дырэкцыяй выставы і шматлікімі турыстычнымі асацыяцыямі Турцыі па розных напрамках, вынікам чаго можа быць падпісанне пагадненняў аб супрацоўніцтве паміж турыстычнымі асацыяцыямі дзвюх краін.
В.В.Міцкевіч выказаў меркаванне, што ўдзел у розных турыстычных форумах, такіх як EMITT, дазволіць павысіць турыстычны патэнцыял Беларусі. А турыстычныя магчымасці нашай краіны сапраўды вялізныя: гэта культурна-этнаграфічны, рэлігійны, ваенна-гістарычны турызм. Важную ролю зараз у гэтай сферы адыгрывае аздараўленчы і вакцынны турызм.