Парламенцкая дэлегацыя Рэспублікі Беларусь на чале з намеснікам Старшыні Палаты прадстаўнікоў Нацыянальнага сходу Рэспублікі Беларусь Пірштуком Б.К. прыме ўдзел у 28-й штогадовай сесіі Парламенцкай асамблеі АБСЕ, якая пройдзе ў г. Люксембургу (Вялікае Герцагства Люксембург) з 4 па 8 ліпеня 2019 года.

У склад беларускай дэлегацыі ўваходзіць старшыня Пастаяннай камісіі Палаты прадстаўнікоў па міжнародных справах Варанецкі В.І.

Асноўная тэма сесіі — «Садзейнічанне ўстойліваму развіццю ў інтарэсах умацавання бяспекі: роля парламентаў». Мерапрыемства будзе прысвечана абмеркаванню пытанняў прыняцця парламентамі дзяржаў-удзельнікаў эфектыўных заканадаўчых мер, накіраваных на ўмацаванне міжнароднага супрацоўніцтва і садзейнічанне ўстойліваму развіццю як важнай перадумовы для забеспячэння міру і бяспекі ў рэгіёне АБСЕ.

У рамках 28-й штогадовай сесіі ПА АБСЕ запланаваны шэраг сустрэч з парламентарыямі і афіцыйнымі асобамі ПА АБСЕ.

Штогадовая сесія завершыцца выбарамі Старшыні ПА АБСЕ, яго намеснікаў, Скарбніка і службовых асоб камітэтаў, а таксама прыняццем Люксембургскай дэкларацыі, змяшчаючай рэкамендацыі для 57 дзяржаў — удзельніц АБСЕ ў галіне палітычных пытанняў, бяспекі, эканомікі, навакольнага асяроддзя, правоў чалавека і гуманітарных пытанняў.