Інфармацыйна-аналітычнае ўпраўленне
Паштовы адрас:
вул. Савецкая, 11, 220010, г. Мінск, Рэспубліка Беларусь
Факс: +375 (17) 222-32-13
Тел.: +375 (17) 222-64-75
Электронная пошта:
inform@house.gov.by
Завяршыўся візіт Старшыні Палаты прадстаўнікоў Нацыянальнага сходу Рэспублікі Беларусь Андрэйчанкі У.П. ў Дзяржаву Ізраіль.
У.П.Андрэйчанка знаходзіўся ў Ерусаліме па даручэнні Кіраўніка дзяржавы для ўдзелу ў мерапрыемствах Міжнароднага форуму лідэраў, прысвечанага Міжнароднаму дню памяці ахвяр Халакосту і 75-й гадавіне вызвалення Асвенцыма.
21 студзеня
У.П.Андрэйчанка прыняў удзел у жалобным мітынгу, які прайшоў у гаі памяці «Яр
а-Кдушим» пад Ерусалімам, арганізаваным Усеізраільскага аб’яднаннем выхадцаў з
Беларусі і арганізацыяй «Бейт Глыбокае».
Старшыня Палаты
прадстаўнікоў ўсклаў да мемарыяла вянок ад імя Нацыянальнага сходу Рэспублікі
Беларусь і перадаў арганізацыі «Бейт Глыбокае» зямлю з месцаў пахавання вязняў
Глыбоцкага гета, дзе загінула больш за 10 тыс. яўрэяў, і месцаў масавага
знішчэння яўрэяў з населеных пунктаў Пліса і Празарокі Глыбоцкага раёна.
У гэты ж дзень адбылася сустрэча У.П.Андрэйчанкі са спікерам Кнэсета Дзяржавы Ізраіль Й.Эдэльштэйнам. Бакі абмеркавалі перспектывы развіцця двухбаковага міжпарламенцкага супрацоўніцтва, пытанні ўдзелу дэпутатаў у рабоце Сумеснага Беларуска-Ізраільскага камітэта па гандлёвым і эканамічным супрацоўніцтве і рэалізацыі дамоўленасцей аб стварэнні зоны свабоднага гандлю паміж Ізраілем і ЕАЭС.
22 студзеня
старшыня Палаты прадстаўнікоў наведаў Мемарыяльны комплекс гісторыі Халакоста
«Яд Вашэм» і правёў сустрэчу з дырэктарам Архіва Мемарыялу Х.Гертнерам, падчас
якой абмяркоўваліся напрамкі развіцця супрацоўніцтва ў галіне захавання
гістарычнай памяці.
У.П.Адрэйчанка
перадаў у музей «Яд Вашэм» копіі дакументальных матэрыялаў пра дэпутатаў
Вярхоўнага Савета БССР першага склікання, якія загінулі ў гады вайны, і
запрасіў кіраўніцтва Мемарыялу прыняць удзел у мерапрыемствах, прысвечаных
памяці ахвяр гета, знішчанага фашыстамі ў 1943 годзе, якія пройдуць у жніўні
гэтага года ў г. Глыбокае.
У гэты ж дзень у
рэзідэнцыі Кіраўніка Дзяржавы Ізраіль адбылася кароткая размова У.П.Андрэйчанкі
з Прэзідэнтам Ізраіля Р.Рыўліным. Старшыня Палаты прадстаўнікоў перадаў яму
прывітанне ад Прэзідэнта Рэспублікі Беларусь А.Р.Лукашэнкі. У сваю чаргу Р.Рыўлін
прасіў перадаць найлепшыя пажаданні Прэзідэнту Рэспублікі Беларусь і ўдзячнасць
за ўдзел нашай краіны ў мерапрыемствах, прысвечаных Міжнароднаму дню памяці
ахвяр Халакосту і 75-й гадавіне вызвалення Асвенцыма.
Акрамя таго, у рамках мерапрыемства Старшыня Палаты прадстаўнікоў правёў гутаркі з кіраўнікамі парламентаў Азербайджана, Ізраіля і Літвы.
23 студзеня
У.П.Андрэйчанка прыняў удзел у пасяджэнні Пятага Сусветнага форуму лідэраў,
прысвечанага Міжнароднаму дню памяці ахвяр Халакосту і 75-й гадавіне вызвалення
Асвенцыма.
Форум прайшоў у Мемарыяльным комплексе гісторыі Халакоста «Яд Вашэм» пад назвай «Памятаць пра Халакост: змагацца з антысемітызмам». Удзел у мерапрыемстве прынялі больш за 45 кіраўнікоў дзяржаў, членаў каралеўскіх сем’яў, прэзідэнтаў, прэм’ер-міністраў і кіраўнікоў парламентаў з Еўропы, Паўночнай Амерыкі і Аўстраліі.