«Аб далучэнні Рэспублікі Беларусь да Пратакола аб абмене інфармацыяй у электронным выглядзе паміж дзяржавамі — удзельнікамі СНД для ажыццяўлення падатковага адміністравання»

3 жніўня 2020 годаПалатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб далучэнні Рэспублікі Беларусь да Пратакола аб абмене інфармацыяй у электронным выглядзе паміж дзяржавамі — удзельніцамі СНД для ажыццяўлення падатковага адміністравання».

Пратакол накіраваны на арганізацыю абмену інфармацыяй па асобных відах даходаў юрыдычных і фізічных асоб, а таксама маёмасці і яе ўласніках паміж кампетэнтнымі падатковымі органамі дзяржаў —удзельніц СНД у мэтах забеспячэння належнага выканання падатковага заканадаўства.

Палажэнні Пратакола дазваляюць павысіць патэнцыял падатковых органаў за кошт атрымання інфармацыі аб замежных даходах і маёмасці беларускіх плацельшчыкаў для вызначэння іх падатковых абавязацельстваў і спынення схем вываду капіталу за мяжу.

Далучэнне да аўтаматычнага абмену інфармацыяй дазволіць пазіцыянаваць Рэспубліку Беларусь як дзяржаву, якая не спрыяе ўтойванню падатковай інфармацыі, што павінна пазітыўна адбіцца на інвестыцыйным клімаце.

Інфармацыя, якая атрымліваецца ў рамках Пратакола, будзе насіць канфідэнцыйны характар і не прызначана для камерцыйнага карыстання.