Рус Бел En
Галоўная / Дзейнасць / Заканадаўчая дзейнасць / Законапраекты, што паступілі на разгляд у Палату прадстаўнікоў

«Аб дзяржаўнай службе»

Суб'ект права заканадаўчай ініцыятывы: Грамадзяне
Уваходны нумар: 6129
Апісанне законапраекта

12 мая 2022 года прыняты праект Закона Рэспублікі Беларусь «Аб дзяржаўнай службе», унесены Саветам Міністраў Рэспублікі Беларусь.

Праект Закона накіраваны на далейшае ўдасканальванне інстытута дзяржаўнай службы ў Рэспубліцы Беларусь.

Законапраектам замацоўваецца цэласная сістэма дзяржаўнай службы, якая ўключае ў сябе дзяржаўную грамадзянскую службу, ваенную службу, службу ў ваенізаваных арганізацыях. У адпаведнасці з законапраектам абнаўляецца сістэма класаў для грамадзянскіх служачых, кожнай грамадзянскай пасадзе будзе адпавядаць адзін пэўны клас грамадзянскага служачага.

У законапраекце, у прыватнасці, прадугледжваецца ўзмацненне патрабаванняў да дысцыпліны і адказнасці грамадзянскіх служачых:

вызначаецца паняцце службовай дысцыпліны;

замацоўваецца агульнае патрабаванне да этычных паводзін грамадзянскіх служачых;

уводзіцца новая мера дысцыплінарнага спагнання — строгая вымова;

уводзіцца забарона на прыём на грамадзянскую службу асоб, якія зволены па дыскрэдытуючым абставінам, на працягу двух гадоў пасля такога звальнення.

У мэтах павышэння прэстыжу і прывабнасці дзяржаўнай службы даюцца асобныя матэрыяльныя і сацыяльныя гарантыі грамадзянскім служачым.

У якасці дадатковай меры заахвочвання прапануецца распаўсюдзіць на ўсіх грамадзянскіх служачых магчымасць узнагароджання медалём «За бездакорную службу». Крытэрыямі ўзнагароджання будуць бездакорная служба на працягу 10, 15 і 20 каляндарных гадоў, а таксама значныя дасягненні ў грамадзянскай службе.


 

Інфармацыя аб законапраекце
Бягучая стадыя: Прыняты ў другім чытанні

Камісія, у якой разглядаецца законапраект: камісія па дзяржаўным будаўніцтве, мясцовым самакіраванні і рэгламенце

Адказны дэпутат: Семяняка Валянцін Міхайлавіч


Адказны работнік Сакратарыята:
Корзун Таццяна Эдуардаўна — загадчык аддзела па падрыхтоўцы законапраектаў і ўзаемадзеянні з Пастаяннай камісіяй па дзяржаўным будаўніцтве, мясцовым самакіраванні і рэгламенце
Гісторыя разгледжання
1. Унясенне ў Палату прадстаўнікоў
Дата паступлення ў Палату прадстаўнікоў: 04.12.2020
Скліканне: Сёмае скліканне
Сесія: Чацвёртая сесія

2. Падрыхтоўка да першага чытання
3. Першае чытанне
4. Падрыхтоўка да другога чытання
5. Другое чытанне
Усе законапраекты