«Аб правах інвалідаў і іх сацыяльнай інтэграцыі»

31 мая 2022 года Палатай прадстаўнікоў прыняты ў другім чытанні праект Закона Рэспублікі Беларусь «Аб правах інвалідаў і іх сацыяльнай інтэграцыі».

Праект Закона аб’яднаў два дзеючыя законы, якія сталі асновай для новага законапраекта: «Аб сацыяльнай абароне інвалідаў у Рэспубліцы Беларусь» і «Аб прадухіленні інваліднасці і рэабілітацыі інвалідаў».

Сярод найбольш значных новаўвядзенняў праекта трэба адзначыць наступныя:

прадугледжаны шэраг мер, накіраваных на ўдасканаленне механізма працаўладкавання і занятасці людзей з інваліднасцю;

устаноўлена права грамадзян на кампенсацыю затрат на тэхнічныя сродкі сацыяльнай рэабілітацыі, набытыя імі самастойна;

удасканалены нормы па пытаннях забеспячэння даступнасці для інвалідаў аб’ектаў сацыяльнай, транспартнай і вытворчай інфраструктуры, жылых памяшканняў;

удасканалены механізм дзяржаўнай палітыкі пры вырашэнні праблем інвалідаў.

Палажэнні законапраекта дадуць магчымасць у большай ступені ўключыць інвалідаў у жыццё грамадства, стварыць умовы для іх максімальнай самарэалізацыі ва ўсіх сферах жыццядзейнасці.

 

Бягучая стадыя: Прыняты ў другім чытанні

Камісія, у якой разглядаецца законапраект: камісія па працы і сацыяльных пытаннях

Адказны дэпутат: Гардзейчык Іван Аркадзьевіч


Адказны работнік Сакратарыята:
Нiзаўцова Алена Валер'еўна – загадчык адзелам па забеспячэнні дзейнасці Пастаяннай камісіі па працы і сацыяльных пытаннях