Рус Бел En
Галоўная / Дзейнасць / Заканадаўчая дзейнасць / Законапраекты, што паступілі на разгляд у Палату прадстаўнікоў

«Аб ратыфікацыі Дагавора аб стратэгічным партнёрстве паміж Рэспублікай Беларусь і Рэспублікай Таджыкістан»

Суб'ект права заканадаўчай ініцыятывы: Савет Міністраў
Уваходны нумар: 450
Апісанне законапраекта

2 красавiка 2020 года Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб ратыфікацыі Дагавора аб стратэгічным партнёрстве паміж Рэспублікай Беларусь і Рэспублікай Таджыкістан», унесены ў Палату прадстаўнікоў Саветам Міністраў Рэспублікі Беларусь.

Дагавор аб стратэгічным партнёрстве паміж Рэспублікай Беларусь і Рэспублікай Таджыкістан (далей  Дагавор) падпісаны ў г. Мінску 28 чэрвеня 2019 года.

Дагаворам прадугледжваецца, што Рэспубліка Беларусь і Рэспубліка Таджыкістан будуюць свае адносіны на аснове прынцыпаў суверэннай роўнасці, узаемнага даверу і стратэгічнага партнёрства, умацоўваюць стратэгічнае партнёрства, выкарыстоўваючы і ўдасканальваючы механізм рэгулярных сустрэч, перш за ўсё на вышэйшым і высокім узроўнях, праводзячы абмен думкамі і ўзгадняючы пазіцыі па актуальных міжнародных праблемах і пытаннях двухбаковых адносін, што ўяўляюць узаемную цікавасць.

У Дагаворы адзначаецца, што стратэгічнае партнёрства паміж Рэспублікай Беларусь і Рэспублікай Таджыкістан нацэлена на ўмацаванне міру, забеспячэнне стабільнасці і бяспекі як у глабальным, так і ў рэгіянальным маштабе.

Згодна з Дагаворам абодва яго бакі будуць каардынаваць і аб’ядноўваць свае намаганні, накіраваныя на павышэнне эфектыўнасці механізмаў супрацьдзеяння і нейтралізацыі пагроз міжнароднага тэрарызму і экстрэмізму, распаўсюджвання зброі масавага знішчэння, супрацьпраўнага прымянення і незаконнага трансгранічнага перамяшчэння кантраляванай міжнароднымі рэжымамі экспартнага кантролю прадукцыі, незаконнага абароту наркатычных сродкаў, псіхатропных рэчываў, іх прэкурсараў і зброі, транснацыянальнай арганізаванай злачыннасці, гандлю людзьмі, нелегальнай міграцыі і іншых праяў новых пагроз і выклікаў бяспецы. Дагаворам прадугледжана супрацоўніцтва ў ваеннай і ваенна-тэхнічнай сферах, у галіне грамадзянскай абароны, папярэджання і ліквідацыі надзвычайных сітуацый, а таксама прапанавана пашырэнне і паглыбленне ўзаемавыгаднага гандлёва-эканамічнага супрацоўніцтва, заахвочванне супрацоўніцтва ў галіне навукі і тэхнікі, стандартызацыі, метралогіі і ацэнкі адпаведнасці, аховы здароўя, адукацыі, культуры, турызму і спорту.

Дагавор закліканы садзейнічаць далейшаму развіццю ўсяго комплексу напрамкаў двухбаковага супрацоўніцтва Рэспублікі Беларусь з Рэспублікай Таджыкістан.

Стратэгічнае партнёрства ў двухбаковым фармаце будзе з’яўляцца асновай для развіцця такога ж узроўню супрацоўніцтва на шматбаковых пляцоўках. Прапанаваныя Дагаворам змяненні будуць садзейнічаць развіццю і ўмацаванню супрацоўніцтва ў палітычнай, эканамічнай, гаспадарчай, навуковай і культурнай галінах з Рэспублікай Таджыкістан.


Інфармацыя аб законапраекце
Бягучая стадыя: Прыняты ў адным чытанні

Камісія, у якой разглядаецца законапраект: па пытаннях экалогіі, прыродакарыстання і чарнобыльскай катастрофы

Адказны дэпутат: Паканечны Павел Леанідавіч


Адказны работнік Сакратарыята: Макарэвіч Аксана Яўгенаўна — саветнік-кансультант аддзела па падрыхтоўцы законапраектаў і ўзаемадзеянні з Пастаяннай камісіяй па пытаннях экалогіі, прыродакарыстання і чарнобыльскай катастрофы
Гісторыя разгледжання
1. Унясенне ў Палату прадстаўнікоў
Дата паступлення ў Палату прадстаўнікоў: 30.01.2020
Скліканне: Сёмае скліканне
Сесія: Другая сесія

2. Адно чытанне
Усе законапраекты
Сёмае скліканне
Навіны па тэме