«Аб ратыфікацыі Дагавора паміж Рэспублікай Беларусь і Рэспублікай Сербія аб выдачы»

11 чэрвеня 2020 года  Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб ратыфікацыі Дагавора паміж Рэспублікай Беларусь і Рэспублікай Сербія аб выдачы», унесены ў Палату прадстаўнікоў Саветам Міністраў Рэспублікі Беларусь.

Дагавор паміж Рэспублікай Беларусь і Рэспублікай Сербія аб выдачы (далей —

Дагавор заключаны ў мэтах умацнення далейшага супрацоўніцтва ў галіне прававой дапамогі па крымінальных справах, у тым ліку ўрэгулявання выдачы абвінавачаных і асуджаных асоб. Яго практычная рэалізацыя будзе садзейнічаць аб'яднанню намаганняў дзвюх дзяржаў у барацьбе са злачыннасцю, уключаючы міжнародную арганізаваную злачыннасць.

Згодна з Дагаворам бакі абавязуюцца па просьбе адзiн аднаго пры захаванні адпаведных умоў выдаваць асоб, якія знаходзяцца на іх тэрыторыях, для ажыццяўлення крымінальнага пераследу або прывядзення прысуду ў выкананне.

Выдача для ажыццяўлення крымінальнага пераследу павінна рабіцца за такія дзеянні, за здзяйсненне якіх па заканадаўстве абодвух бакоў прадугледжваецца пакаранне ў выглядзе пазбаўлення волі на тэрмін не менш за адзін год ці больш строгае пакаранне.

Супрацоўніцтва будзе ажыццяўляцца праз цэнтральныя органы. У адпаведнасці з артыкулам 2 Дагавора цэнтральнымі органамі з'яўляюцца з боку Рэспублікі Беларусь — Генеральная пракуратура Рэспублікі Беларусь, а з боку Рэспублікі Сербія — Міністэрства юстыцыі Рэспублікі Сербія.