«Аб ратыфікацыі Пагаднення аб гарманізацыі заканадаўства дзяржаў — членаў Еўразійскага эканамічнага саюза ў сферы фінансавага рынку»
Суб'ект права заканадаўчай ініцыятывы: Савет МіністраўУваходны нумар: 1694
16 мая 2019 года Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб ратыфікацыі Пагаднення аб гарманізацыі заканадаўства дзяржаў — членаў Еўразійскага эканамічнага саюза ў сферы фінансавага рынку», унесены ў Палату прадстаўнікоў Саветам Міністраў Рэспублікі Беларусь.
Пагадненне, падпісанае ў г. Маскве дзяржавамі — членамі Еўразійскага эканамічнага саюза (далей — ЕАЭС), вызначае напрамкі і парадак гарманізацыі заканадаўства гэтых дзяржаў у фінансавай сферы (у банкаўскім сектары, страхавым сектары, сектары паслуг на рынку каштоўных папер). Пагадненнем прадугледжана ўзаемадзеянне пры падрыхтоўцы праектаў нарматыўных прававых актаў, накіраваных на гарманізацыю заканадаўства дзяржаў — членаў ЕАЭС у сферы фінансавага рынку і прыняцце іншых мер для ўнясення ў наступным бакамі прапаноў па змяненні нацыянальнага заканадаўства.
Савет Еўразійскай эканамічнай камісіі надзяляецца дадатковымі паўнамоцтвамі, у прыватнасці, па зацвярджэнні плана гарманізацыі заканадаўства дзяржаў — удзельнікаў.
Пагадненнем вызначана, што працэс гарманізацыі свайго заканадаўства ў фінансавай сферы павінен быць завершаны да 1 студзеня 2025 года.
Прыняцце праекта Закона дазволіць стварыць умовы на фінансавых рынках дзяржаў — членаў ЕАЭС для свабоднага руху капіталу ў адпаведнасці з мэтамі і прынцыпамі фарміравання саюза.
Камісія, у якой разглядаецца законапраект: камісія па бюджэце і фінансах
Адказны дэпутат: Цацоха Аляксандр Уладзіміравіч
Адказны работнік Сакратарыята:
Давідовіч Наталля Віктараўна — галоўны саветнік аддзела па падрыхтоўцы законапраектаў і ўзаемадзеянні з Пастаяннай камісіяй Палаты прадстаўнікоў па бюджэце і фінансах
2. Адно чытанне
Пасяджэнне Палаты прадстаўнікоў: 16.05.2019 16 мая 2019 года, трэцяе пасяджэнне шостай сесіі Палаты прадстаўнікоў Нацыянальнага сходу Рэспублікі Беларусь шостага склікання
Статус: Прыняты ў адным чытанні