«Аб ратыфікацыі Пагаднення аб маркіроўцы тавараў сродкамі ідэнтыфікацыі ў Еўразійскім эканамічным саюзе»
Суб'ект права заканадаўчай ініцыятывы: Савет МіністраўУваходны нумар: 3203
7 чэрвеня 2018 года прыняты праект Закона Рэспублікі Беларусь «Аб ратыфікацыі Пагаднення аб маркіроўцы тавараў сродкамі ідэнтыфікацыі ў Еўразійскім эканамічным саюзе», унесены Саветам Міністраў Рэспублікі Беларусь.
Законапраектам прапаноўваецца ратыфікаваць Пагадненне аб маркіроўцы тавараў сродкамі ідэнтыфікацыі ў Еўразійскім эканамічным саюзе, якое падпісана ў г. Алматы 2 лютага 2018 года (далей — Пагадненне).
Пагадненне забяспечвае законны абарот тавараў у рамках Еўразійскага эканамічнага саюза (далей — Саюз), абарону правоў спажыўцоў і папярэджванне дзеянняў, якія ўводзяць іх у зман.
Пагадненнем, у прыватнасці, прадугледжваецца:
надзяленне Савета Еўразійскай эканамічнай камісіі (далей — Савет Камісіі) паўнамоцтвамі на прыняцце рашэння аб увядзенні маркіроўкі тавараў на падставе прадстаўленых у Еўразійскую эканамічную камісію дзяржавамі-членамі прапаноў (з абгрунтаваннем), аналіза мэтазгоднасці ўвядзення маркіроўкі тавараў, інфармацыі пра ўплыў увядзення маркіроўкі на ўмовы вядзення бізнеса і інш.;
забарона на захоўванне, транспартаванне, набыццё і рэалізацыю (продаж) на тэрыторыях дзяржаў-членаў немаркіраваных тавараў, якія падлягаюць маркіроўцы;
надзяленне Савета Камісіі паўнамоцтвамі зацвярджаць пералік тавараў з указаннем іх кодаў у адпаведнасці з адзінай Таварнай наменклатурай знешнеэканамічнай дзейнасці Саюза і адначасова вызначаць сродкі ідэнтыфікацыі, іх характарыстыкі, парадак іх генерацыі, склад і структуру інфармацыі, якая павінна ўтрымлівацца ў сродках ідэнтыфікацыі, дату ўвядзення і парадак маркіроўкі тавараў, фармат, склад і структуру звестак аб маркіраваных таварах, што перадаюцца паміж кампетэнтнымі органамі дзяржаў-членаў Саюза і Еўразійскай эканамічнай камісіяй;
надзяленне дзяржаў-членаў Саюза ў адзначаны Пагадненнем тэрмін паўнамоцтвамі па вызначэнні парадку ўліку сродкаў ідэнтыфікацыі і іншых патрабаванняў і ўмоў увядзення маркіроўкі тавараў;
ўвядзенне для юрыдычных асоб і індывідуальных прадпрымальнікаў, якія ажыццяўляюць увоз на мытную тэрыторыю Саюза і (або) вытворчасць тавараў, абавязку па маркіроўцы тавараў, у дачыненні да якіх прынята рашэнне аб увядзенні маркіроўкі, сродкамі ідэнтыфікацыі;
абавязак для кампетэнтных (упаўнаважаных) органаў дзяржаў-членаў Саюза разам з іншымі кантралюючымі і (або) праваахоўнымі органамі ажыццяўляць кантроль за абаротам тавараў, якія падлягаюць маркіроўцы, у адпаведнасці з заканадаўствам дзяржаў-членаў.
Таксама вызначана, што з даты ўступлення ў сілу Пагаднення яго палажэннi распаўсюджваюцца на маркіроўку тавараў кантрольнымі (ідэнтыфікацыйнымі) знакамі па пэўнай таварнай пазіцыі («Прадметы адзення, прыналежнасці да адзення і іншыя вырабы, з натуральнага футра»).
Артыкулам 2 праекта Закона Рэспублікі Беларусь «Аб ратыфікацыі Пагаднення аб маркіроўцы тавараў сродкамі ідэнтыфікацыі ў Еўразійскім эканамічным саюзе» кампетэнтным (ўпаўнаважаным) органам Рэспублікі Беларусь па маркіроўцы тавараў кантрольнымі (ідэнтыфікацыйнымі) знакамі па вышэйназванай таварнай пазіцыі вызначана Міністэрства па падатках і зборах Рэспублікі Беларусь.
Камісія, у якой разглядаецца законапраект: камісія па аграрнай палітыцы
Адказны дэпутат: Чэкан Святлана Уладзіславаўна
Адказны работнік Сакратарыята:
Цвяткова Таццяна Мікалаеўна — галоўны саветнік аддзела па падрыхтоўцы законапраектаў і ўзаемадзеянні з Пастаяннай камісіяй Палаты прадстаўнікоў па аграрнай палітыцы
2. Адно чытанне
Пасяджэнне Палаты прадстаўнікоў: 07.06.2018 7 чэрвеня 2018 года, шостае пасяджэнне чацвёртай сесіі Палаты прадстаўнікоў Нацыянальнага сходу Рэспублікі Беларусь шостага склікання
Статус: Прыняты ў адным чытанні