«Аб ратыфікацыі Пагаднення аб прынцыпах вядзення падатковай палітыкі ў галіне акцызаў на тытунёвую прадукцыю дзяржаў — членаў Еўразійскага эканамічнага саюза»

21 мая 2020 Палата прадстаўнікоў Нацыянальнага сходу Рэспублікі Беларусь прыняла праект Закона Рэспублікі Беларусь «Аб ратыфікацыі Пагаднення аб прынцыпах вядзення падатковай палітыкі ў галіне акцызаў на тытунёвую прадукцыю дзяржаў — членаў Еўразійскага эканамічнага саюза».

Пагадненне накіравана на забеспячэнне ўмоў для функцыянавання рынку тытунёвай прадукцыі ў рамках ЕАЭС шляхам гарманізацыі (збліжэння) ставак акцызаў на тытунёвую прадукцыю, якая рэалізуецца на тэрыторыях дзяржаў — членаў, і вызначае парадак (у тым ліку асноўныя прынцыпы і меры) гарманізацыі (збліжэння) ставак акцызаў на цыгарэты, якія класіфікуюцца ў субпазіцыі 2402 20 адзінай Таварнай наменклатуры знешнеэканамічнай дзейнасці ЕАЭС.

Гарманізацыя (збліжэнне) ставак акцызаў ажыццяўляецца шляхам ўстанаўлення адзінай індыкатыўнай стаўкі акцызаў на тытунёвую прадукцыю, 5-гадовага перыяду дасягнення ўзроўню індыкатыўнай стаўкі, дыяпазонаў адхілення фактычных ставак акцызаў на тытунёвую прадукцыю ад індыкатыўнай стаўкі.

У адпаведнасці з Пагадненнем ў 2024 годзе прадугледжаны выхад на індыкатыўную стаўку акцызаў на тытунёвыя вырабы ў памеры 35 еўра за 1000 штук з магчымым дыяпазонам адхілення да 20 працэнтаў у меншую або вялікую старану. У наступным індыкатыўная стаўка і дыяпазоны адхілення будуць устанаўлівацца Саветам ЕЭК кожныя 5 гадоў.

Пры гэтым пры наяўнасці абгрунтаванай эканамічнай мэтазгоднасці змены памеру індыкатыўнай стаўкі і дыяпазонаў адхілення, а таксама ў выпадку змены курсу нацыянальных валют дзяржаў — членаў у адносінах да еўра больш чым на 15 працэнтаў Савет ЕЭК будзе мець права па ініцыятыве любой з дзяржаў — членаў прыняць рашэнне аб змене адпаведных паказчыкаў.

У мэтах прадухілення рэалізацыі тытунёвай прадукцыі на мытнай тэрыторыі Саюза без выплаты акцызаў і іншых ўскосных падаткаў Пагадненнем прадугледжана вызначэнне парадку адміністрацыйнага супрацоўніцтва паміж упаўнаважанымі органамі, у тым ліку шляхам заключэння адпаведных міжнародных дагавораў у рамках Саюза.

Ратыфікацыя і рэалізацыя гэтага Пагаднення забяспечаць гарманізацыю ставак акцызаў на тытунёвыя вырабы ў рамках ЕАЭС.