«Аб ратыфікацыі Пагаднення паміж Рэспублікай Беларусь і Еўрапейскім саюзам аб спрашчэнні выдачы віз»
Суб'ект права заканадаўчай ініцыятывы: Савет МіністраўУваходны нумар: 1197
Пагадненнем прадугледжаны абавязацельствы бакоў забяспечыць магчымасць афармлення віз для транзіту цi ўезду для мяркуемага знаходжання на працягу не больш за 90 дзён у любы 180-дзённы перыяд, выдачу шматразовых віз з тэрмінам дзеяння ад 1 да 5 гадоў для шэрагу катэгорый грамадзян, паніжэнне збору за разгляд хадайніцтваў аб выдачы віз за 35 еўра, вызваленне шэрагу катэгорый грамадзян ад аплаты збораў за разгляд хадайніцтваў.
Пагадненнем скарочаны cпic дакументаў, якія з’яўляюцца дастатковымі для пацвярджэння мэты паездкі.
Бакі абавязваюцца таксама забяспечыць бязвізавы ўезд для асоб, якія дакументаваны біяметрычнымі дыпламатычнымі пашпартамі, i спрасціць парадак выдачы віз для членаў афіцыйных дэлегацый.
У адпаведнасці з Пагадненнем грамадзяне Беларусі i ЕС будуць мець права перамяшчацца па тэрыторыі дзяржаў-членаў ЕС i Беларусі на роўных умовах з грамадзянамі ЕС i Беларусі (з улікам нацыянальных нормаў i правілаў, якія датычацца нацыянальнай бяспекі Беларусі i дзяржаў — членаў ЕС, а таксама правілаў ЕС аб візax, сапраўдных на абмежаванай тэрыторыі).
Ратыфікацыя і рэалізацыя гэтага Пагаднення будуць спрыяць спрашчэнню паездак грамадзян, развіццю міжнародных, у тым ліку турыстычных, кантактаў, а таксама ўмацаванню атмасферы даверу і ўзаемаразумення паміж народамі. Гэта ўпэўнены крок Беларусі і Еўрапейскага саюза насустрач адзін аднаму ў пашырэнні ўсебаковага супрацоўніцтва.
Камісія, у якой разглядаецца законапраект: камісія па міжнародных справах
Адказны дэпутат: Савіных Андрэй Уладзіміравіч
Адказны работнік Сакратарыята:
Герцік Вольга Іванаўна— саветнік-кансультант аддзела па падрыхтоўцы законапраектаў і ўзаемадзеянні з Пастаяннай камісіяй Палаты прадстаўнікоў па міжнародных справах
2. Адно чытанне