«Аб ратыфікацыі Пагаднення паміж Рэспублікай Беларусь і Усходняй Рэспублікай Уругвай аб супрацоўніцтве і ўзаемнай дапамозе ў мытных справах»
Суб'ект права заканадаўчай ініцыятывы: Савет МіністраўУваходны нумар: 17
21 мая 2020 года Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб ратыфікацыі Пагаднення паміж Рэспублікай Беларусь і Усходняй Рэспублікай Уругвай аб супрацоўніцтве і ўзаемнай дапамозе ў мытных справах».
Пагадненнем прадугледжваецца, што мытныя органы абедзвюх дзяржаў аказваюць адзін аднаму ўзаемную дапамогу па забеспячэнні належнага прымянення мытнага заканадаўства дзвюх краін, прадухіленні, расследаванні і барацьбе з парушэннямі мытнага заканадаўства, перадачы дакументаў, якія тычацца прымянення мытнага заканадаўства, абмене інфармацыяй і іншымі дадзенымі, неабходнымі для рэалiзацыi гэтага Пагаднення.
Пагадненнем таксама рэгулюецца парадак абмену інфармацыяй, якая можа дапамагчы ў забеспячэнні дакладнага спагнання мытнымі органамі мытных пошлін, падаткаў, плацяжоў і збораў, вызначэння мытнага кошту тавараў і іх тарыфнай класіфікацыі; выкананні забарон і абмежаванняў у дачыненні да тавараў, што перамяшчаюцца праз мытную тэрыторыю абодвух бакоў; прымяненні нацыянальных правіл паходжання тавараў, не ўстаноўленых у дагаворах, заключаных адной ці абедзвюма дзяржавамi дагаворных бакоў.
Пагадненнем вызначаецца парадак правядзення расследавання ў дачыненні да дзеянняў, якія парушаюць або могуць парушыць мытнае заканадаўства бакоў. Пры гэтым дапускаецца прысутнасць пры правядзенні расследаванняў на тэрыторыі аднаго з бакоў службовых асоб мытнага органа другога боку, што, у сваю чаргу, павышае празрыстасць ходу такога расследавання.
Рэалізацыя названага Пагаднення будзе садзейнічаць стварэнню прававой асновы механізму ўзаемадзеяння мытных службаў Рэспублікі Беларусь і Усходняй Рэспублікі Уругвай.
Камісія, у якой разглядаецца законапраект: камісія па міжнародных справах
Адказны дэпутат: Папко Павел Іванавіч
Адказны работнік Сакратарыята:
Герцык Вольга Іванаўна — саветнік-кансультант аддзела па падрыхтоўцы законапраектаў і ўзаемадзеянні з Пастаяннай камісіяй Палаты прадстаўнікоў па міжнародных справах
2. Адно чытанне
Сесія: Другая сесія
Пасяджэнне Палаты прадстаўнікоў: 21.05.2020 21 мая 2020 года, шостае пасяджэнне другой сесіі Палаты прадстаўнікоў Нацыянальнага сходу Рэспублікі Беларусь сёмага склікання
Статус: Прыняты ў адным чытанні