«Аб ратыфікацыі Пагаднення паміж Урадам Рэспублікі Беларусь і Урадам Федэрацыі Сент-Кітс і Невіс аб узаемнай адмене віз»
Суб'ект права заканадаўчай ініцыятывы: Савет МіністраўУваходны нумар: 799
23 мая 2019 годаПалатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб ратыфікацыі Пагаднення паміж Урадам Рэспублікі Беларусь і Урадам Федэрацыі Сэнт-Кітс і Невіс аб узаемнай адмене віз».
Пагадненне памiж Урадам Рэспублiкi Беларусь i Урадам Федэрацыі Сэнт-Кітс і Невіс аб узаемнай адмене віз (далей — Пагадненне) было падпісана ў г. Гаване 19 кастрычніка 2018 года ў мэтах спрашчэння ўзаемных паездак грамадзян Рэспублікі Беларусь і грамадзян Сэнт-Кітс і Невіс.
Пагадненнем прадугледжана, што грамадзяне дзяржаў бакоў, якія з’яўляюцца ўладальнікамі сапраўдных дакументаў, вызваляюцца ад неабходнасці атрымання віз для ўезду, выезду і транзіту на тэрыторыі дзяржавы іншага боку пры ўмове, што працягласць іх бесперапыннага знаходжання на тэрыторыі гэтай дзяржавы не перавышае 30 (трыццаці) дзён з даты іх уезду. Пры гэтым агульная працягласць іх знаходжання на тэрыторыі дзяржавы другога боку не павінна перавышаць 90 (дзевяноста) дзён на працягу аднаго каляндарнага года.
Пагадненне заключана на нявызначаны перыяд і ўступае ў сілу праз 30 дзён з даты атрымання па дыпламатычных каналах апошняга пісьмовага паведамлення аб выкананні бакамі ўнутрыдзяржаўных працэдур, неабходных для яго ўступлення ў сілу.
Камісія, у якой разглядаецца законапраект: камісія па міжнародных справах
Адказны дэпутат: Мілаванаў Міхаіл Вячаслававіч
Адказны работнік Сакратарыята:
Іванова Наталля Аляксандраўна — вядучы рэферэнт аддзела па падрыхтоўцы законапраектаў і ўзаемадзеянні з Пастаяннай камісіяй Палаты прадстаўнікоў па міжнародных справах
2. Адно чытанне
Пасяджэнне Палаты прадстаўнікоў: 23.05.2019 23 мая 2019 года, чацвертае пасяджэнне шостай сесіі Палаты прадстаўнікоў Нацыянальнага сходу Рэспублікі Беларусь шостага склікання
Статус: Прыняты ў адным чытанні