«Аб ратыфікацыі Пагаднення паміж Урадам Рэспублікі Беларусь і Урадам Каралеўства Нідэрландаў аб супрацоўніцтве і ўзаемнай адміністрацыйнай дапамозе ў мытных справах»

12 лістапада 2018 года Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб ратыфікацыі Пагаднення паміж Урадам Рэспублікі Беларусь і Урадам Каралеўства Нідэрландаў аб супрацоўніцтве і ўзаемнай адміністрацыйнай дапамозе ў мытных справах», які унесены ў Палату прадстаўнікоў Саветам Міністраў Рэспублікі Беларусь па даручэнні Прэзідэнта Рэспублікі Беларусь.

Дадзенае Пагадненне было падпісана 12 чэрвеня 2018 года ў горадзе Мінску.

Палажэннямі Пагаднення вызначаюцца асноўныя прынцыпы і формы супрацоўніцтва і ўзаемнай дапамогі паміж мытнымі органамі дзвюх краін у галіне мытнай справы, а таксама парадак узаемадзеяння пры накіраванні запытаў і прадастаўлення адзін аднаму інфармацыі, неабходнай для выяўлення, спынення і расследавання мытных правапарушэнняў.

Дадзеныя нормы аналагічныя парадку, устаноўленаму іншымі міжнароднымі дагаворамі Рэспублікі Беларусь у галіне мытнага супрацоўніцтва.

Практычная рэалізацыя гэтага пагаднення будзе садзейнічаць уніфікацыі і гарманізацыі мытных працэдур, дасць магчымасць павысіць эфектыўнасць і выніковасць выканання мытнымі органамі дзвюх дзяржаў задач, якія стаяць перад імі.