«Аб ратыфікацыі Пагаднення паміж Урадам Рэспублікі Беларусь і Урадам Расійскай Федэрацыі аб некаторых пытаннях, звязаных з уездам замежных грамадзян і асоб без грамадзянства на міжнародныя спартыўныя мерапрыемствы»
Суб'ект права заканадаўчай ініцыятывы: Савет МіністраўУваходны нумар: 7314
19 снежня 2018 годаПалатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб ратыфікацыі Пагаднення паміж Урадам Рэспублікі Беларусь і Урадам Расійскай Федэрацыі аб некаторых пытаннях, звязаных з уездам замежных грамадзян і асоб без грамадзянства на міжнародныя спартыўныя мерапрыемствы», які ўнесены Саветам Міністраў Рэспублікі Беларусь па даручэнні Прэзідэнта Рэспублікі Беларусь.
Пагадненне памiж Урадам Рэспублiкi Беларусь i Урадам Расiйскай Федэрацыi аб некаторых пытаннях, звязаных з уездам замежных грамадзян і асоб без грамадзянства на міжнародныя спартыўныя мерапрыемствы (далей — Пагадненне) падпісана ў г. Мінску 29 мая 2018 года.
Пагадненне прадугледжвае рэгуляванне парадку ўезду замежных грамадзян і асоб без грамадзянства з мэтай наведвання чэмпіянату свету па футболе FIFA 2018 года і II Еўрапейскіх гульняў 2019 года.
Згодна з Пагадненнем, такія грамадзяне ўязджаюць, выязджаюць, знаходзяцца і праязджаюць транзітам па тэрыторыях Беларусі і Расіі без афармлення віз пры наяўнасці дакумента, які сведчыць асобу, і дакумента для наведвання міжнароднага спартыўнага мерапрыемства. У той жа час замежныя грамадзяне і асобы без грамадзянства, якiя з’яўляюцца вадзіцелямі транспартных сродкаў, што ажыццяўляюць аўтамабільныя перавозкі вышэйзгаданых асобаў, заязджаюць на тэрыторыю кожнай з названых дзяржаў і выязджаюць з гэтай тэрыторыі па дакуменце, які пацвярджае асобу, на падставе дазволу на ўезд, выезд і знаходжанне (віза) або на падставе міжнародных дагавораў, якія прадугледжваюць бязвізавы рэжым уезду, знаходжання, транзіту і выезду.
Пагадненне прадугледжвае магчымасць уезду на тэрыторыю кожнай з дзяржаў i выезду з гэтай тэрыторыі праз пункты пропуску, а таксама непасрэдна з тэрыторыі дзяржавы другога боку па выкарыстоўваемых шляхах міжнароднага чыгуначнага і аўтамабільнага паведамленняў, пералічаных у дадатках да Пагаднення.
Пагадненне часова прымяняецца з 1 чэрвеня 2018 года і ўступае ў сілу па заканчэнні 30 дзён з даты атрымання апошняга пiсьмовага паведамлення аб выкананнi бакамi ўнутрыдзяржаўных працэдур, неабходных для ўступлення ў сiлу гэтага Пагаднення, і застаецца ў сіле да 10 ліпеня 2019 года.
Камісія, у якой разглядаецца законапраект: камісія па ахове здароўя, фізічнай культуры, сямейнай і маладзёжнай палітыцы
Адказны дэпутат: Невар Ігар Леанідавіч
Адказны работнік Сакратарыята:
Рэут Наталля Іванаўна — загадчык аддзела па падрыхтоўцы законапраектаў і ўзаемадзеянні з Пастаяннай камісіяй Палаты прадстаўнікоў па ахове здароўя, фізічнай культуры, сямейнай і моладзевай палітыцы
Чарняк Юлія Анатольеўна — саветнік-кансультант аддзела па падрыхтоўцы законапраектаў і ўзаемадзеянні з Пастаяннай камісіяй Палаты прадстаўнікоў па ахове здароўя, фізічнай культуры, сямейнай і моладзевай палітыцы
2. Адно чытанне
Пасяджэнне Палаты прадстаўнікоў: 19.12.2018 19 снежня 2018 года, дзявятае пасяджэнне пятай сесіі Палаты прадстаўнікоў Нацыянальнага сходу Рэспублікі Беларусь шостага склікання
Статус: Прыняты ў адным чытанні