«Аб ратыфікацыі Пратакола аб унясенні змяненняў і дапаўненняў у Пагадненне паміж Урадам Рэспублікі Беларусь і Урадам Кыргызскай Рэспублікі аб міжнародных аўтамабільных зносінах ад 14 чэрвеня 1995 года»
Суб'ект права заканадаўчай ініцыятывы: Савет МіністраўУваходны нумар: 3116
19 чэрвеня 2019 года Палатай прадстаўнiкоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб ратыфікацыі Пратакола аб унясенні змяненняў і дапаўненняў у Пагадненне паміж Урадам Рэспублікі Беларусь і Урадам Кыргызскай Рэспублікі аб міжнародных аўтамабільных зносінах ад 14 чэрвеня 1995 года», унесены Саветам Міністраў Рэспублікі Беларусь.
Законапраект падрыхтаваны ў мэтах выказвання згоды Рэспублікі Беларусь на абавязковасць для яе Пратакола аб унясенні змяненняў і дапаўненняў у Пагадненне паміж Урадам Рэспублікі Беларусь і Урадам Кыргызскай Рэспублікі аб міжнародных аўтамабільных зносінах ад 14 чэрвеня 1995 года, падпісанага ў г. Бішкеку 17 кастрычніка 2018 г. (далей — Пратакол).
Вышэйназванае Пагадненне рэгулюе ўзаемаадносіны паміж Рэспублікай Беларусь і Кыргызскай Рэспублікай у сферы міжнародных аўтамабільных перавозак.
Пратаколам агаворана магчымасць выканання перавозак у трэція краіны і з трэціх краін, паколькі раней Пагадненнем было прадугледжана выкананне міжнародных аўтамабільных перавозак толькі ў двухбаковых і транзітных зносінах. Таксама Пратаколам урэгуляваны асобныя праблемы выкарыстання дазволаў, якiя выдаюцца кампетэнтнымi органамi дзяржаў Дагаворных Бакоў. Акрамя гэтага, з Пагаднення Пратаколам выключаецца прамая забарона на ажыццяўленне кабатажных перавозак, прадугледжваючы магчымасць іншага рэгулявання такіх перавозак правам Еўразійскага эканамічнага саюза. Гэта ўзгадняецца з падыходамі, замацаванымі ў Дагаворы аб Еўразійскім эканамічным саюзе.
Прыняцце гэтага Закона забяспечыць перш за ўсё стварэнне ўмоў для павелічэння аб’ёмаў паслуг беларускіх перавозчыкаў у напрамку Кыргызскай Рэспублікі і сумежных краін.
Камісія, у якой разглядаецца законапраект: камісія па прамысловасці, паліўна-энергетычным комплексе, транспарце і сувязі
Адказны дэпутат: Чудовіч Віталій Ігаравіч
Адказны работнік Сакратарыята:
Ягорава Марыя Аляксандраўна — галоўны саветнік аддзела па падрыхтоўцы законапраектаў і ўзаемадзеянні з Пастаяннай камісіяй Палаты прадстаўнікоў па прамысловасці, паліўна-энергетычным комплексе, транспарце і сувязі
Трафімава Таццяна Анатольеўна — саветнік-кансультант аддзела па падрыхтоўцы законапраектаў і ўзаемадзеянні з Пастаяннай камісіяй па прамысловасці, паліўна-энергетычным комплексе, транспарце і сувязі
2. Адно чытанне
Пасяджэнне Палаты прадстаўнікоў: 19.06.2019 19 чэрвеня 2019 года, сёмае пасяджэнне шостай сесіі Палаты прадстаўнікоў Нацыянальнага сходу Рэспублікі Беларусь шостага склікання
Статус: Прыняты ў адным чытанні