«Аб ратыфікацыі Рамачнага пагаднення паміж Рэспублікай Беларусь і Еўрапейскім інвестыцыйным банкам, якое рэгулюе дзейнасць Банка ў Рэспубліцы Беларусь»
Суб'ект права заканадаўчай ініцыятывы: Савет МіністраўУваходны нумар: 3774
26 чэрвеня 2017 года Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб ратыфікацыі Рамачнага пагаднення паміж Рэспублікай Беларусь і Еўрапейскім інвестыцыйным банкам, якое рэгулюе дзейнасць Банка ў Рэспубліцы Беларусь».
Рамачнае пагадненне паміж Рэспублікай Беларусь і Еўрапейскім інвестыцыйным банкам падпісана ў рамках рэалізацыі Праграмы сацыяльна-эканамічнага развіцця Рэспублікі Беларусь на 2016 — 2020 гады і мае на мэце забеспячэнне прытоку дадатковых фінансавых сродкаў у эканоміку, а таксама далейшае развіццё супрацоўніцтва Рэспублікі Беларусь з аўтарытэтнымі замежнымі і міжнароднымі фінансавымі арганізацыямі.
Банк прадастаўляе доўгатэрміновае фінансаванне для рэалізацыі абгрунтаваных і жыццяздольных інвестыцыйных праектаў у Еўропе і за яе межамі.
Папярэднія ацэнкі і дамоўленасці дазваляюць Беларусі ўжо ў бягучым годзе прапанаваць для фінансавання Банкам інвестыцыйных праектаў прыкладна на 200 мільёнаў еўра.
Дадзенае Рамачнае пагадненне ў поўнай меры адказвае нацыянальным інтарэсам, а яго рэалізацыя стане яшчэ адным фактарам забеспячэння эканамічнага росту, з аднаго боку, і павышэння эфектыўнасці інвестыцый за кошт экспертнай падтрымкі і кантролю — з другога.
Камісія, у якой разглядаецца законапраект: камісія па эканамічнай палітыцы
Адказны дэпутат: Шчэпаў Уладзіслаў Аляксандравіч
Адказны работнік Сакратарыята:
Чупракоў Аляксандр Уладзіміравіч – загадчык адзелам па забеспячэнні дзейнасці Пастаяннай камісіі па эканамічнай палітыцы
2. Адно чытанне
Пасяджэнне Палаты прадстаўнікоў: 26.06.2017 26 чэрвеня 2017 года, пасяджэнне Палаты прадстаўнікоў Нацыянальнага сходу Рэспублікі Беларусь шостага склікання, закрыццё другой сесіі
Статус: Прыняты ў адным чытанні