«Аб судова-экспертнай дзейнасці»
Суб'ект права заканадаўчай ініцыятывы: Савет МіністраўУваходны нумар: 3027
19 лістапада 2019 года Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб судова-экспертнай дзейнасці», які ўнесены ў Палату прадстаўнікоў Саветам Міністраў Рэспублікі Беларусь.
Дадзены законапраект распрацаваны Дзяржаўным камітэтам судовых экспертыз Рэспублікі Беларусь у мэтах удасканалення прававога рэгулявання сферы судова-экспертнай дзейнасці.
Законапраектам вызначаюцца прававыя асновы судова-экспертнай дзейнасці, у тым ліку яе навукова-метадычнага, матэрыяльна-тэхнічнага і іншага забеспячэння, замацоўваюцца яе прынцыпы, урэгулявана сістэма кіравання, уніфікаваны працэсуальныя асновы правядзення судовых экспертыз у крымінальным, адміністрацыйным, грамадзянскім і гаспадарчым працэсах (далей — судовыя экспертызы) у мэтах забеспячэння абароны правоў і законных інтарэсаў грамадзян пры правядзенні судовых экспертыз, а таксама прававыя асновы вядзення крыміналістычных улікаў і калекцый.
Праектам Закона замацоўваюцца агульныя палажэнні, якія тычацца парадку арганізацыі і парадку правядзення судовых экспертыз.
У праекце Закона уніфікаваны правы і абавязкі судовага эксперта, вызначаны адзіныя патрабаванні да зместу заключэння судовага эксперта.
Дадзены законапраект як адзіны заканадаўчы акт, які рэгулюе сферу судова-экспертнай дзейнасці, дасць магчымасць рэалізаваць навукова-тэхнічны патэнцыял грамадства пры ажыццяўленні правасуддзя, будзе садзейнічаць умацаванню правапарадку, а таксама вырашэнню многіх праблемных пытанняў у частцы арганізацыйнага, навукова-метадычнага, кадравага, інфармацыйнага забеспячэння судова экспертнай дзейнасці, гарантый абароны правоў і законных інтарэсаў фізічных і юрыдычных асоб у гэтай сферы.
Камісія, у якой разглядаецца законапраект: камісія па заканадаўстве
Адказны дэпутат: Маркевіч Аляксандр Іванавіч
Адказны работнік Сакратарыята:
Фіцук Алена Яўгеньеўна — галоўны саветнік аддзела па падрыхтоўцы законапраектаў і узаемадзеянню з Пастаяннай камісіяй Палаты прадстаўнікоў па заканадаўстве
2. Першае чытанне
Пасяджэнне Палаты прадстаўнікоў: 26.06.2019 26 чэрвеня 2019 года, восьмае пасяджэнне шостай сесіі Палаты прадстаўнікоў Нацыянальнага сходу Рэспублікі Беларусь шостага склікання
Статус: Прыняты ў першым чытанні
3. Другое чытанне
Пасяджэнне Палаты прадстаўнікоў: 19.11.2019 19 лістапада 2019 года, трэцяе пасяджэнне сёмай сесіі Палаты прадстаўнікоў Нацыянальнага сходу Рэспублікі Беларусь шостага склікання
Статус: Прыняты ў другім чытанні