«Аб турызме»

4 кастрычніка 2021 года Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб турызме» (далей — законапраект).

Законапраект закліканы забяспечыць комплекснае, сістэмнае і больш поўнае рэгуляванне грамадскіх адносін у турыстычнай сферы, вырашыць шэраг наспелых праблемных пытанняў. У прыватнасці, акцэнт зроблены на абарону правоў спажыўцоў турыстычных паслуг.

У гэтай сувязі адным з асноўных новаўвядзенняў законапраекта з’яўляецца ўвядзенне інстытута фінансавага забеспячэння адказнасці тураператараў, якія ажыццяўляюць дзейнасць у сферы міжнароднага выязнога турызму. Механізм абароны праў спажыўцоў уключае ў сябе рэалізацыю трох спосабаў такога забеспячэння, якія носяць варыятыўны характар: дагавор страхавання адказнасці тураператара за прычыненне маёмаснай шкоды ўдзельнікам турыстычнай дзейнасці, банкаўская гарантыя і ўдзел тураператара ў фарміраванні фонду адказнасці тураператараў. Рэалізацыя пералічаных спосабаў будзе ажыццяўляцца пры наступленні выпадкаў немагчымасці выканання тураператарам сваіх абавязацельстваў па дагаворах аказання турыстычных паслуг у сферы міжнароднага выязнога турызму, пералік якіх вызначаны законапраектам. Законапраектам падрабязна таксама вызначаны парадак і ўмовы рэалізацыі кожнага з гэтых спосабаў.

Яшчэ адным элементам, які спрыяе павышэнню адказнасці тураператараў за аказваемыя ім паслугі, з’яўляецца раздзяленне адказнасці паміж суб’ектамі турыстычнай дзейнасці за невыкананне ці неналежнае выкананне абавязацельстваў па адпаведных дагаворах.

Законапраект прадугледжвае змяненні і ў частцы аднабаковай адмовы ад выканання абавязацельстваў па дагаворы аказання турыстычных паслуг. У гэтай сувязі дадаткова замацаваны неабходнасць пацвярджэння выканаўцам фактычна панесеных расходаў, адзнакі ў дакументах іх крыніцы і наступствы гэтага непацвярджэння.

Таксама законапраектам рэгламентаваны прэтэнзійны парадак урэгулявання спрэчак.

Для аптымізацыі працэсаў аказання турыстычных і экскурсійных паслуг замацавана магчымасць заключэння адпаведных дагавораў у электронным выглядзе.

Акрамя таго, з мэтай абароны прафесійна-этычнай складальнай экскурсійнага абслугоўвання і павышэння якасці экскурсійных паслуг устанаўліваецца забарона на правядзенне экскурсій асобамі, якія не маюць пасведчання аб прафесійнай атэстацыі, што пацвярджае кваліфікацыю экскурсаводаў, гідаў-перакладчыкаў.

Для паляпшэння якасці экскурсійнага абслугоўвання на заканадаўчым узроўні замацавана магчымасць прымянення аўдыёгідаў, мабільных суправаджэнняў экскурсій і іншых тэхнічных сродкаў, што абумоўлена развіццём інфармацыйных тэхналогій, а таксама мэтазгоднасцю эканоміі фінансавых і чалавечых рэсурсаў, асабліва ў пік турыстычных сезонаў.

Разам з гэтым у законапраекце істотна абноўлены і дапоўнены паняційны апарат, удакладнены паўнамоцтвы Савета Міністраў Рэспублікі Беларусь, Міністэрства спорту і турызму, мясцовых выканаўчых і распарадчых органаў, мясцовых Саветаў дэпутатаў у сферы турызму.

1. Міхалюк Павел Рышардавіч
2. Масейкаў Аляксандр Анатольевіч