«Аб змяненні Закона Рэспублікі Беларусь «Аб аўтарскім праве і сумежных правах»
Суб'ект права заканадаўчай ініцыятывы: Савет РэспублікіУваходны нумар: 6355
13 чэрвеня 2019 года прыняты праект Закона Рэспублікі Беларусь «Аб змяненні Закона Рэспублікі Беларусь «Аб аўтарскім праве і сумежных правах». Законапраект унесены ў Палату прадстаўнікоў Саветам Рэспублікі Нацыянальнага сходу Рэспублікі Беларусь.
Мэтай падрыхтоўкі законапраекта з’яўляецца ўдасканаленне норм Закона Рэспублікі Беларусь ад 17 мая 2011 года «Аб аўтарскім праве і сумежных правах» з улікам практыкі прымянення, у тым ліку шляхам устаранення маючых месца калізій, прабелаў і прававой нявызначанасці.
Дакументам прапануецца шэраг новаўвядзенняў, якія абумоўлены неабходнасцю забеспячэння разумнага балансу інтарэсаў праваўладальнікаў аб’ектаў аўтарскага права і сумежных праў і грамадства ў цэлым, а таксама патрабаваннямі міжнародных дагавораў Рэспублікі Беларусь і сучасным навукова-тэхнічным развіццём.
Так, найбольш важнымі навеламі праекта Закона з’яўляюцца:
канкрэтызацыя аб’ёму асабістых немаёмасных праў у дачыненні да выкарыстання аўдыявізуальных твораў (абмежаванне праў аўтара на адкліканне і на абнародаванне);
пашырэнне пераліку дапушчальных выпадкаў свабоднага выкарыстання твораў у гуманітарных мэтах (у рамках адукацыйнага працэсу; з мэтай забеспячэння доступу да іх асоб з абмежаванымі здольнасцямі ўспрымаць візуальную інфармацыю);
вызваленне аператараў электрасувязі і пастаўшчыкоў паслуг электрасувязі ад грамадзянска-прававой адказнасці ў форме выплаты кампенсацыі ў сувязі з ажыццяўленнем імі паведамлення для ўсеагульнага ведама тэлепраграм, якія ўваходзяць у абавязковы агульнадаступны пакет тэлепраграм;
увядзенне паняцця «адкрытая ліцэнзія» як спецыяльнага спрошчанага спосабу заключэння ліцэнзійнага дагавору на падставе зробленай праваўладальнікам публічнай аферты, магчымасць заключэння ліцэнзійнага дагавора ў вуснай форме;
зніжэнне з дзесяці да адной базавай велічыні мінімальнага памеру кампенсацыі за парушэнне выключнага права на аб’екты аўтарскага права і сумежных праў;
удасканаленне сістэмы дагавораў, якія заключаюцца пры стварэнні і выкарыстанні аб’ектаў аўтарскага права і сумежных праў, і прававога рэгулявання асобных дагавораў (уключэнне норм аб аўтарскім дагаворы ў ліцэнзійны дагавор);
увядзенне абавязку штогадовага накіравання ў фонд Прэзідэнта Рэспублікі Беларусь па падтрымцы культуры і мастацтва 25 працэнтаў ад сумы ўзнагароджання, сабранага арганізацыяй, якая кіруе маёмаснымі правамі аўтараў і іншых праваўладальнікаў на калектыўнай аснове і ажыццяўляе збор узнагароджання за ўзнаўленне твораў і аб’ектаў сумежных праў у асабістых мэтах;
удасканаленне механізма калектыўнага кіравання маёмаснымі правамі.
У ходзе работы па падрыхтоўцы да разгляду ў другім чытанні назва законапраекта «Аб унясеннні змяненняў і дапаўненняў у Закон Рэспублікі Беларусь «Аб аўтарскім праве і сумежных правах» змянілася на
«Аб змяненні Закона Рэспублікі Беларусь «Аб аўтарскім праве і сумежных правах»
Камісія, у якой разглядаецца законапраект: камісія па адукацыі, культуры і навуцы
Адказны дэпутат: Няхайчык Аксана Уладзіміраўна
Адказны работнік Сакратарыята:
Сарока Людміла Уладзіміраўна – саветнік-кансультант аддзела па падрыхтоўцы законапраектаў і ўзаемадзеянні з Пастаяннай камісіяй па адукацыі, культуры і навуцы
2. Першае чытанне
Пасяджэнне Палаты прадстаўнікоў: 14.06.2018 14 чэрвеня 2018 года, семае пасяджэнне чацвёртай сесіі Палаты прадстаўнікоў Нацыянальнага сходу Рэспублікі Беларусь шостага склікання
Статус: Прыняты ў першым чытанні
3. Другое чытанне
Пасяджэнне Палаты прадстаўнікоў: 13.06.2019 13 чэрвеня 2019 года, шостае пасяджэнне шостай сесіі Палаты прадстаўнікоў Нацыянальнага сходу Рэспублікі Беларусь шостага склікання
Статус: Прыняты ў другім чытанні