«Аб унясенні змяненняў і дапаўненняў у Банкаўскі кодэкс Рэспублікі Беларусь»

14 чэрвеня 2018 года Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб унясенні змяненняў і дапаўненняў у Банкаўскі кодэкс Рэспублікі Беларусь», унесены Саветам Міністраў Рэспублікі Беларусь.

Законапраект прадугледжвае карэкціроўку Банкаўскага кодэкса Рэспублікі Беларусь, у тым ліку прывядзенне яго ў адпаведнасць з законамі Рэспублікі Беларусь, указамі і іншымі актамі Кіраўніка дзяржавы з мэтай рашэння праблемных пытанняў, якія тычацца сферы банкаўскіх адносін, з улікам правапрымяняльнай практыкі, змянення заканадаўства, а таксама неабходнасці выключэння прававых хібаў у дадзенай сферы.

Законапраектам прадугледжана:

уключэнне палажэнняў, якія дакранаюцца афіцыйнай грашовай адзінкі Рэспублікі Беларусь;

удасканальванне дзейнасці нябанкаўскіх крэдытна-фінансавых арганізацый;

замацаванне ў банкаўскім заканадаўстве асобных практычных аспектаў узаемадзеяння банкаў, Нацыянальнага банка і дзяржаўных органаў у частцы атрымання і давання звестак, якія састаўляюць банкаўскую тайну, а таксама ўдасканальванне парадку давання звестак, якія састаўляюць банкаўскую тайну;

удасканальванне нарматыўнага рэгулявання парадку спынення дзейнасці банка і ліквідацыя праблемных пытанняў, якія дакранаюцца выканання банкам сваіх абавязацельстваў пасля адклікання ў яго спецыяльнага дазволу (ліцэнзіі) на ажыццяўленне банкаўскай дзейнасці;

замацаванне палажэнняў, накіраваных на абарону інтарэсаў грамадзян — спажыўцоў фінансавых паслуг, у частцы зняцця абмежаванняў у выбары страхавой арганізацыі, не спагнання платы за інфармацыю аб умовах крэдытаванні і разгляд заявы аб даванні крэдыту і іншых дакументаў для атрымання крэдыту і за адкрыццё банкаўскага рахунка і залічэнне на яго сумы крэдыту;

урэгуляванне парадку аплаты дэпазітнага сертыфіката, які прад’яўлены да сканчэння тэрміну яго звароту;

выключэнне абавязку суб’ектаў гаспадарання выкарыстоўваць пячаткі;

устанаўленне парадку ажыццяўлення выплат пры дапамозе такіх відаў безнаяўных разлікаў як банкаўскае плацежнае абавязацельства і прамое дэбетаванне рахунка.

У цэлым, прыняцце законапраекта дазволіць выключыць прававыя хібы ў прымяненні банкаўскага заканадаўства і дасць магчымасць далейшага развіцця гэтага сектара эканомікі, у прыватнасці: узмацненні ролі банкаўскага сектара ў стварэнні прывабнага інвестыцыйнага клімату ў рэспубліцы.