«Аб унясенні змяненняў і дапаўненняў у некаторыя законы Рэспублікі Беларусь па пытаннях пітнога водазабеспячэння»
Суб'ект права заканадаўчай ініцыятывы: Савет МіністраўУваходны нумар: 2272
18 снежня 2018 года Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб унясенні змяненняў і дапаўненняў у некаторыя законы Рэспублікі Беларусь па пытаннях пітнога водазабеспячэння», унесены Саветам Міністраў Рэспублікі Беларусь ад 2 траўня 2016 года.
Законапраект прадугледжвае выкладанне Закона Рэспублікі Беларусь ад 24 чэрвеня 1999 года «Аб пітным водазабеспячэнні» (далей — Закон) у новай рэдакцыі, а таксама карэкціроўку нормаў Воднага кодэкса Рэспублікі Беларусь і Закона Рэспублікі Беларусь «Аб ахове навакольнага асяроддзя».
Дакумент накіраваны на ўдасканаленне норм законаў з улікам правапрымяняльнай практыкі і прывядзенне іх у адпаведнасць з іншымі заканадаўчымі актамі Рэспублікі Беларусь.
У прыватнасці, законапраектам прапануецца:
дапоўніць асноўныя прынцыпы пітнога водазабеспячэння, замацаваўшы забеспячэнне даступнага, бесперабойнага пітнога водазабеспячэння, рацыянальнае выкарыстанне пітной вады, эфектыўнае функцыянаванне і развіццё сістэм пітнога водазабеспячэння, ўкараненне сучасных энерга- і рэсурсазберагальных тэхналогій;
дапоўніць Закон новым артыкулам, якая ўстанаўлівае асноўныя напрамкі міжнароднага супрацоўніцтва ў галіне пітнога водазабеспячэння, уключаючы абмен з замежнымі і міжнароднымі арганізацыямі інфармацыяй аб сучасных энерга- і рэсурсазберагальных тэхналогіях і прыцягненне замежных інвестыцый для рэалізацыі праектаў па іх укараненню;
канкрэтызаваць паўнамоцтвы дзяржаўных органаў, якія ажыццяўляюць дзяржаўнае рэгуляванне ў галiне пітнога водазабеспячэння: Савета Міністраў Рэспублікі Беларусь, Міністэрства жыллёва-камунальнай гаспадаркі Рэспублікі Беларусь, мясцовых Саветаў дэпутатаў, выканаўчых і распарадчых органаў, а таксама дадаткова рэгламентаваць паўнамоцтвы Прэзідэнта Рэспублікі Беларусь, Міністэрства прыродных рэсурсаў і аховы навакольнага асяроддзя Рэспублікі Беларусь і Міністэрства аховы здароўя Рэспублікі Беларусь у гэтай галiне, у тым ліку ў адпаведнасці з падыходамі па размеркаванні кампетэнцыі дзяржаўных органаў у сферы кантрольнай (нагляднай) дзейнасці, устаноуленымі Указам Прэзідэнта Рэспублікі Беларусь ад 16 кастрычніка 2017 г. № 376 «Аб мерах па ўдасканаленні кантрольнай (нагляднай) дзейнасці»;
дапоўніць Закон нормай, якая прадугледжвае магчымасць будаўніцтва вулічных сетак пітнога водазабеспячэння для эксплуатуемага жыллёвага фонду з прыцягненнем сродкаў фізічных асоб. Акрамя таго, пры далучэнні новых спажыўцоў, абанентаў да вулічных сетак пітнога водазабеспячэння, якія былі пабудаваны з прыцягненнем сродкаў фізічных асоб, пакрыццё сродкаў гэтым фізічным асобам прапануецца ажыццяўляць за кошт новых спажыўцоў, абанентаў па рашэнні мясцовых выканаўчых і распарадчых органаў;
ўдакладніць правы і абавязкі абанентаў і спажыўцоў, iншых юрыдычных і фізічных асоб, у тым ліку індывідуальных прадпрымальнікаў, арганізацый водаправодна-каналізацыйнай гаспадаркі, якія ажыццяўляюць эксплуатацыю сістэм пітнога водазабеспячэння і (або) аказваюць паслугу водазабеспячэння на падставе дагавора, іншых арганізацый, якія ажыццяўляюць эксплуатацыю жыллёвага фонду і (або) якія прадстаўляюць жыллёва-камунальныя паслугі;
прадугледзець комплекс мерапрыемстваў, накіраваных на забеспячэнне бяспекі пітной вады, у тым ліку прадухіленне забруджвання, засмечвання крыніц пітнога водазабеспячэння і пашкоджання сістэм пітнога водазабеспячэння, замацаваць гарантыі забеспячэння пітной вадой. Пры гэтым з Закона выключаюцца нарматыўныя прадпісанні, якія дапускаюць часовыя адхіленні ад нарматываў бяспекі пітной вады ў выпадках, звязаных са з'явамі прыроднага характару або аварыйнымі сітуацыямі, ухіленне якіх не можа быць ажыццёўлена неадкладна;
канкрэтызаваць пытанні аховы крыніц пітнога водазабеспячэння цэнтралізаваных сістэм пітнога водазабеспячэння, водаправодных збудаванняў, вадаводаў, а таксама рэжыму гаспадарчай i iншай дзейнасцi ў зонах санітарнай аховы крыніц пітнога водазабеспячэння цэнтралізаваных сістэм пітнога водазабеспячэння, водаправодных збудаванняў, санітарна-ахоўных палосах вадаводаў;
дапоўніць законапраект новай главой, якая вызначае эканамічны механізм у галіне пітнога водазабеспячэння, які ўключае распрацоўку дзяржаўных праграм і рэгіянальных комплексаў мерапрыемстваў, фінансаванне, устанаўленне платы за паслугу пітнога водазабеспячэння, іншыя эканамічныя меры, накіраваныя на задавальненне патрэбаў юрыдычных і фізічных асоб у пітной вадзе;
замацаваць абавязак Савета Міністраў Рэспублікі Беларусь на працягу двух гадоў з дня прыняцця праекта Закона сумесна з мясцовымі выканаўчымі і распарадчымі органамі забяспечыць правядзенне інвентарызацыі існуючых сістэм пітнога водазабеспячэння, на працягу шасці месяцаў — падрыхтаваць і ўнесці ва ўстаноўленым парадку прапановы па ўпарадкаванні бурэння свідравін і трубчастых студняў, прызначаных для здабычы падземных вод, а таксама па развіццю сістэм пітнога водазабеспячэння і водаадвядзення і забеспячэнню эфектыўнага іх функцыянавання, у тым ліку праз стварэнне рэспубліканскай спецыяльна ўпаўнаважанай арганізацыі.
Законапраект прадугледжвае значную колькасць іншых карэкціровак Закона з улікам практыкі правапрымянення.
Прыняцце праекта Закона дасць магчымасць павысіць якасць і бяспеку пітной вады, актывізаваць інвестыцыйны працэс у сферы пітнога водазабеспячэння, забяспечыць эканамічнае стымуляванне дзейнасці суб'ектаў гаспадарання ў сферы пітнога водазабеспячэння і стварыць аснову для далейшага ўстойлівага развіцця водагаспадарчых сістэм.Камісія, у якой разглядаецца законапраект: камісія па жыллёвай палітыцы і будаўніцтве
Адказны дэпутат: Дарагакупец Юрый Іванавіч
Адказны работнік Сакратарыята:
Міневіч Таццяна Пятроўна ― загадчык аддзела па падрыхтоўцы законапраектаў і ўзаемадзеянні з Пастаяннай камісіяй па жыллёвай палітыцы і будаўніцтве
2. Першае чытанне
3. Другое чытанне
Пасяджэнне Палаты прадстаўнікоў: 18.12.2018 18 снежня 2018 года, восьмае пасяджэнне пятай сесіі Палаты прадстаўнікоў Нацыянальнага сходу Рэспублікі Беларусь шостага склікання
Статус: Прыняты ў другім чытанні