«Аб змяненні Закона Рэспублікі Беларусь «Аб мясцовым кіраванні і самакіраванні ў Рэспубліцы Беларусь»
Суб'ект права заканадаўчай ініцыятывы: Савет МіністраўУваходны нумар: 5714
19 лістапада 2019 года прыняты праект Закона Рэспублікі Беларусь «Аб змяненні Закона Рэспублікі Беларусь «Аб мясцовым кіраванні і самакіраванні ў Рэспубліцы Беларусь», унесены Саветам Міністраў Рэспублікі Беларусь.
Законапраект падрыхтаваны ў адпаведнасці з пунктам 28 плана падрыхтоўкі законапраектаў на 2018 год, зацверджанага Указам Прэзідэнта Рэспублікі Беларусь ад 10 студзеня 2018 г. № 9.
Пры распрацоўцы законапраекта была праведзена «рэвізія» норм Закона Рэспублікі Беларусь «Аб мясцовым кіраванні і самакіраванні ў Рэспубліцы Беларусь» (далей — Закон), якія датычацца кантрольных паўнамоцтваў мясцовых Саветаў дэпутатаў, выканаўчых і распарадчых органаў, на прадмет прывядзення нарматыўных прадпісанняў у адпаведнасць з Указам Прэзідэнта Рэспублікі Беларусь ад 16 кастрычніка 2017 г. № 376 «Аб мерах па ўдасканальванні кантрольнай (нагляднай) дзейнасці».
Згодна з пунктам 2 Указа Прэзідэнта Рэспублікі Беларусь ад 24 мая 2018 г. № 202 «Аб службе «адно акно» карэкціруецца артыкул 42 Закона ў частцы замацавання за аблвыканкамамі і Мінскім гарвыканкамам функцыі па каардынацыі дзейнасці ніжэйстаячых выканаўчых і распарадчых органаў па стварэнні і функцыянаванні службы «адно акно» і ажыццяўленню адміністрацыйных працэдур на адпаведнай тэрыторыі.
З улікам практыкі прымянення Закон дапаўняецца нормамі, у адпаведнасці з якімі Саветы дэпутатаў зацвярджаюць інвестыцыйныя праграмы, а выканаўчыя камітэты распрацоўваюць і ўносяць на зацвярджэнне ў Саветы дэпутатаў адпаведныя праекты праграм.
Праектам Закона таксама карэкціруюцца паўнамоцтвы выканкамаў і адміністрацый па пытаннях, звязаных з забеспячэннем добраўпарадкавання і падтрымання належнага санітарнага стану на тэрыторыях населеных пунктаў.
Камісія, у якой разглядаецца законапраект: камісія па дзяржаўным будаўніцтве, мясцовым самакіраванні і рэгламенце
Адказны дэпутат: Пісанік Леанід Фёдаравіч
Адказны работнік Сакратарыята:
Корзун Таццяна Эдуардаўна ― загадчыца аддзела па падрыхтоўцы законапраектаў і ўзаемадзеянні з Пастаяннай камісіяй Палаты прадстаўнікоў па дзяржаўнаму будаўніцтву, мясцоваму самакіраванню і рэгламенту
2. Першае чытанне
Пасяджэнне Палаты прадстаўнікоў: 12.11.2018 12 лістапада 2018 года, шостае пасяджэнне Палаты прадстаўнікоў Нацыянальнага сходу Рэспублікі Беларусь шостага склікання
Статус: Прыняты ў першым чытанні
3. Другое чытанне
Пасяджэнне Палаты прадстаўнікоў: 19.11.2019 19 лістапада 2019 года, трэцяе пасяджэнне сёмай сесіі Палаты прадстаўнікоў Нацыянальнага сходу Рэспублікі Беларусь шостага склікання
Статус: Прыняты ў другім чытанні