«Аб унясенні змяненняў і дапаўненняў у Закон Рэспублікі Беларусь «Аб ветэранах»

Палатай прадстаўнікоў Нацыянальнага сходу Рэспублікі Беларусь 25 кастрычніка 2017 года прыняты ў другім чытанні праект Закона Рэспублікі Беларусь «Аб унясенні змяненняў і дапаўненняў у Закон Рэспублікі Беларусь «Аб ветэранах» (далей — праект Закона).

Праектам Закона прадугледжваецца:

замацаванне новай катэгорыі ветэранаў — ветэраны органаў фінансавых расследаванняў Камітэта дзяржаўнага кантролю Рэспублікі Беларусь і вызначэнне іх статусу;

забеспячэнне магчымасці дзяржаўным органам, органам мясцовага кіравання і самакіравання ўдзельнічаць у фінансаванні за кошт сродкаў рэспубліканскага і (або) мясцовага бюджэтаў мерапрыемстваў, якія праводзяцца грамадскімі аб’яднаннямі ветэранаў, у адпаведнасці з дзяржаўнымі праграмамі (падпраграмамі) у галіне сацыяльнай абароны ветэранаў;

прывядзенне асобных норм Закона Рэспублікі Беларусь «Аб ветэранах» у адпаведнасць з палажэннямі Указа Прэзідэнта Рэспублікі Беларусь ад 16 снежня 2013 г. № 563 «Аб некаторых пытаннях прававога рэгулявання жыллёвых адносін», Кодэкса Рэспублікі Беларусь аб культуры, Кодэкса Рэспублікі Беларусь аб адукацыі, законаў Рэспублікі Беларусь «Аб пенсіённым забеспячэнні», «Аб міжнародных дагаворах Рэспублікі Беларусь», «Аб фізічнай культуры і спорце», накіраванымі на ўрэгуляванне пытанняў жыллёвых адносін, адукацыі, пенсіённага забеспячэння.ня.