«Аб увядзенні ў дзеянне кодэксаў»
Суб'ект права заканадаўчай ініцыятывы: Савет МіністраўУваходны нумар: 6041
18 снежня 2020 года ў двух чытаннях прыняты праект Закона Рэспублікі Беларусь «Аб увядзеннi ў дзеянне кодэксаў», унесены ў Палату прадстаўнікоў Нацыянальнага сходу Рэспублікі Беларусь Саветам Міністраў Рэспублікі Беларусь.
Законапраект распрацаваны ў мэтах забеспячэння рэалізацыі заключных палажэнняў праекта Кодэкса Рэспублікі Беларусь аб адміністрацыйных правапарушэннях (далей — КаАП) і праекта Працэсуальна-выканаўчага кодэкса Рэспублікі Беларусь аб адміністрацыйных правапарушэннях (далей — ПВКаАП), згодна з якімі дадзеныя кодэксы ўводзяцца ў дзеянне адмысловым законам.
Законапраектам прадугледжана, што новыя кадыфікаваныя нарматыўныя прававыя акты па пытаннях адміністрацыйнай адказнасці ўводзяцца ў дзеянне з 1 сакавіка 2021 года.
У сувязі з увядзеннем у дзеянне КаАП і ПВКаАП прапануецца прызнаць страціўшымі сілу шэраг дзеючых заканадаўчых актаў, якія рэгулююць пытанні прыцягнення грамадзян, індывідуальных прадпрымальнікаў і іншых суб’ектаў гаспадарання да адказнасці за ўчыненне адміністрацыйных правапарушэнняў.
Акрамя таго, законапраект утрымлівае пераходныя палажэнні, якія тычацца прывядзення актаў заканадаўства ў адпаведнасць з КаАП і ПВКаАП, а таксама вызначаюць парадак прымянення такіх актаў да прывядзення іх у адпаведнасць з КаАП і ПВКаАП.
У законапраекце знайшлі адлюстраванне пытанні разгляду спраў аб адміністрацыйных правапарушэннях і выканання вынесеных у рамках дзеючых кодэксаў аб адміністрацыйнай адказнасці пастаноў аб накладанні адміністрацыйных спагнанняў з улікам падыходаў, прадугледжаных новымі КаАП і ПВКаАП у частцы лібералізацыі сістэмы пакаранняў за адміністрацыйныя правапарушэнні, змены працэсуальнай кампетэнцыі дзяржаўных органаў (арганізацый), службовых асоб на складанне пратаколаў аб адміністрацыйных правапарушэннях і разгляд спраў аб адміністрацыйных правапарушэннях.
Камісія, у якой разглядаецца законапраект: камісія па заканадаўстве
Адказны дэпутат: Любецкая Святлана Анатольеўна
Адказны работнік Сакратарыята:
Колесень Ірына Уладзіміраўна — загадчык аддзела па падрыхтоўцы законапраектаў і ўзаемадзеянні з Пастаяннай камісіяй па заканадаўстве
Скліканне: Сёмае скліканне
Сесія: Чацвёртая сесія
2. Падрыхтоўка да першага чытання
3. Першае чытанне
Сесія: Чацвёртая сесія
Пасяджэнне Палаты прадстаўнікоў: 18.12.2020 18 снежня 2020 года, сёмае пасяджэнне чацвёртай сесіі Палаты прадстаўнікоў Нацыянальнага сходу Рэспублікі Беларусь сёмага склікання
Статус: Прыняты ў першым чытанні
4. Падрыхтоўка да другога чытання
5. Другое чытанне
Сесія: Чацвёртая сесія
Пасяджэнне Палаты прадстаўнікоў: 18.12.2020 18 снежня 2020 года, сёмае пасяджэнне чацвёртай сесіі Палаты прадстаўнікоў Нацыянальнага сходу Рэспублікі Беларусь сёмага склікання
Статус: Прыняты ў другім чытанні