«Аб змяненні Закона Рэспублікі Беларусь «Аб аказанні псіхалагічнай дапамогі»

31 мая 2022 годаПалатай прадстаўнікоў Нацыянальнага сходу Рэспублікі Беларусь у другім чытанні прыняты праект Закона Рэспублікі Беларусь «Аб змяненні Закона Рэспублікі Беларусь «Аб аказанні псіхалагічнай дапамогі».

Падрыхтоўка названага законапраекта абумоўлена неабходнасцю ўдасканалення норм дзеючага Закона з улікам практыкі яго прымянення.

Праектам Закона абноўлены і дапоўнены паняційны апарат, дадзены вызначэнні асноўным тэрмінам, якія выкарыстоўваюцца, такім як «псіхалагічная дапамога», «псіхалагічная праблема», «крызісная сітуацыя», «крызіснае ўмяшанне».

У мэтах устаранення цяжкасцей з допускам да работы псіхолагаў, якія атрымалі вышэйшую адукацыю, у тым ліку ў рамках перападрыхтоўкі, законапраектам удакладняюцца патрабаванні, што прад’яўляюцца да асоб, якія аказваюць псіхалагічную дапамогу.

Разам з тым, праект Закона ўстанаўлівае забарону на допуск да непасрэднага аказання псіхалагічнай дапамогі для асоб, якія маюць судзімасць за ўчыненне любога наўмыснага злачынства.

З улікам распаўсюджвання дыстанцыйных спосабаў перадачы інфармацыі законапраектам выключана забарона на аказанне псіхалагічнай дапамогі на платнай аснове з выкарыстаннем сродкаў электрасувязі. Гэта новаўвядзенне дасць магчымасць забяспечыць даступнасць аказання псіхалагічнай дапамогі на платнай аснове, будзе садзейнічаць бесперашкоднаму кантакту са спецыялістам.

Праектам Закона ўзмацняецца комплексны міжгаліновы падыход да аказання псіхалагічнай дапамогі. Так, паўнамоцтвы па рэалізацыі дзяржаўнай палітыкі ў гэтай сферы замацоўваюцца зараз не толькі за Міністэрствам аховы здароўя і Міністэрствам адукацыі, але і Міністэрствам па надзвычайных сітуацыях і іншымі дзяржаўнымі органамі ў межах іх паўнамоцтваў.

Законапраектам дапоўнены пералік выпадкаў, пры якіх не патрабуецца згода законных прадстаўнікоў непаўналетняга да 14 гадоў на аказанне яму псіхалагічнай дапамогі.

Рэалізацыя палажэнняў гэтага праекта Закона будзе садзейнічаць далейшаму развіццю сістэмы арганізацыі аказання кваліфікаванай псіхалагічнай дапамогі насельніцтву рэспублікі, садзейнічаць сацыяльнай адаптацыі і рэабілітацыі грамадзян, іх самаразвіццю і самарэалізацыі.

Бягучая стадыя: Прыняты ў другім чытанні

Камісія, у якой разглядаецца законапраект: камісія па ахове здароўя, фізічнай культуры, сямейнай і маладзёжнай палітыцы

Адказныя дэпутаты:

1. Шкроб Марына Аляксандраўна
2. Шыпула Аляксандр Валер'евіч

Адказны работнік Сакратарыята:
Чарняк Юлія Анатольеўна — саветнік-кансультант аддзела па падрыхтоўцы законапраектаў і ўзаемадзеянні з Пастаяннай камісіяй Палаты прадстаўнікоў па ахове здароўя, фізічнай культуры, сямейнай і моладзевай палітыцы