«Аб змяненні Закона Рэспублікі Беларусь «Аб асновах сістэмы прафілактыкі безнагляднасці і правапарушэнняў непаўналетніх»

27 красавіка 2022 года Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб змяненні Закона Рэспублікі Беларусь «Аб асновах сістэмы прафілактыкі безнагляднасці і правапарушэнняў непаўналетніх», унесены Саветам Міністраў Рэспублікі Беларусь.

Мэтай падрыхтоўкі праекта Закона з’яўляецца прывядзенне палажэнняў Закона Рэспублікі Беларусь «Аб асновах сістэмы прафілактыкі безнагляднасці і правапарушэнняў непаўналетніх» (далей — Закон) у адпаведнасць з Кодэксам Рэспублікі Беларусь аб адміністрацыйных правапарушэннях (далей — КаАП), які ўступіў у сілу
з 1 сакавіка 2021 г., і Кодэксам Рэспублікі Беларусь аб адукацыі ў рэдакцыі Закона Рэспублікі Беларусь ад 14 студзеня 2022 г. № 154-З «Аб змяненні Кодэкса Рэспублікі Беларусь аб адукацыі».

У прыватнасці, законапраектам прадугледжваюцца:

дапаўненне прынцыпаў дзейнасці па прафілактыцы безнагляднасці і правапарушэнняў непаўналетніх такім прынцыпам як улік найлепшых інтарэсаў дзіцяці пры прыняцці дзяржаўнымі органамі, іншымі арганізацыямі рашэнняў адносна непаўналетніх;

дапаўненне артыкула 5 Закона палажэннем, якое прадугледжвае арганізацыю і правядзенне індывідуальнай прафілактычнай работы з непаўналетнімі, у адносінах да якіх прыменены прафілактычныя меры ўздзеяння ў выглядзе папярэджання і мер выхаваўчага ўздзеяння;

унясенне змяненняў у артыкул 13 Закона, якія датычацца вызначэння канкрэтнага пераліку адміністрацыйных правапарушэнняў, пры ўчыненні якіх з непаўналетнімі праводзіцца індывідуальная прафілактычная работа ўстановамі адукацыі;

магчымасць змяшчэння ў спецыяльную навучальна-выхаваўчую ўстанову або спецыяльную лячэбна-выхаваўчую ўстанову непаўналетняга, калі на працягу года да яго за ўчыненне адміністрацыйных правапарушэнняў, прадугледжаных артыкуламі 10.1, 11.1, 11.3, 18.14, 18.15, 19.1, 19.3, 19.5 або 19.6 КаАП прымяняліся прафілактычныя меры ўздзеяння ў выглядзе папярэджання або мер выхаваўчага ўздзеяння;

увядзенне новай катэгорыі непаўналетніх, з якімі інспекцыі па справах непаўналетніх будуць праводзіць індывідуальную прафілактычную работу: у адносінах да якіх за ўчыненне правапарушэнняў, прадугледжаных артыкуламі 10.1, 11.1 — 11.3, 16.29, 18.14, 18.15, 19.1 — 19.3, 19.5 — 19.8, 19.10 — 19.12, 24.3, 24.23 або 24.29 КаАП, прыменены прафілактычныя меры ўздзеяння ў выглядзе папярэджання або мер выхаваўчага ўздзеяння.

1. Ленчэўская Марына Аляксандраўна
2. Мамайка Іван Андрэевіч