«Аб змяненні Закона Рэспублікі Беларусь «Аб асновах транспартнай дзейнасці»

23 мая 2019 годаПалатай прадстаўнiкоў Нацыянальнага сходу Рэспублікі Беларусь прыняты ў першым чытанні праект Закона Рэспублікі Беларусь «Аб змяненні Закона Рэспублікі Беларусь «Аб асновах транспартнай дзейнасці», унесены Саветам Міністраў Рэспублікі Беларусь.

Мэтамі падрыхтоўкі законапраекта з’яўляюцца прывядзенне Закона «Аб асновах транспартнай дзейнасці» (далей — Закон) у адпаведнасць з Дэкрэтам Прэзідэнта Рэспублікі Беларусь ад 23 лістапада 2017 г. № 7 «Аб развіцці прадпрымальніцтва», Указам Прэзідэнта Рэспублікі Беларусь ад 16 кастрычніка 2017 г. № 376 «Аб мерах па ўдасканаленні кантрольнай (нагляднай) дзейнасці», Законам Рэспублікі Беларусь ад 24 кастрычніка 2016 г. № 437-З «Аб ацэнцы адпаведнасці тэхнічным патрабаванням і акрэдытацыі органаў па ацэнцы адпаведнасці», узгадненне Закона з міжнародна-прававымі дакументамі, што складаюць права Еўразійскага эканамічнага саюза.

У праекце Закона ўдакладняюцца палажэнні па ажыццяўленні дзяржаўнага кантролю (нагляду) у галіне транспартнай дзейнасці, а таксама ў частцы ацэнкі адпаведнасці тэхнічным патрабаванням у галіне транспартнай дзейнасці, прадугледжаным у тым ліку міжнароднымі дагаворамі Рэспублікі Беларусь, тэхнічнымі рэгламентамі Мытнага саюза і Еўразійскага эканамічнага саюза, міжнародна-прававымі актамі, што складаюць права Еўразійскага эканамічнага саюза.

Законапраект не прадугледжвае змяненні ўмоў ажыццяўлення прадпрымальніцкай дзейнасці.