Галоўная / Беларуская версія / Дзейнасць / Заканадаўчая дзейнасць / Законапраекты, што паступілі на разгляд у Палату прадстаўнікоў

«Аб змяненні Закона Рэспублікі Беларусь «Аб аўдытарскай дзейнасці»

Суб'ект права заканадаўчай ініцыятывы: Савет Міністраў
Уваходны нумар: 6074
Мова законапраекта: Русский
Апісанне законапраекта

6 снежня 2018 года Палатай прадстаўнікоў Нацыянальнага сходу Рэспублікі Беларусь прыняты ў першым чытанні праект Закона Рэспублікі Беларусь «Аб змяненні Закона Рэспублікі Беларусь «Аб аўдытарскай дзейнасці», унесены ў Палату прадстаўнікоў Саветам Міністраў Рэспублікі Беларусь.

Законапраект падрыхтаваны ў мэтах стварэння адзінага рынку аўдытарскіх паслуг у рамках Еўразійскага эканамічнага саюза, а таксама для павышэння якасці аўдытарскіх паслуг для нацыянальных суб’ектаў гаспадарання.

Законапраектам прадугледжана:

увядзенне ў дзеянне на тэрыторыі Рэспублікі Беларусь міжнародных стандартаў аўдытарскай дзейнасці і Кодэкса этыкі аўдытараў і ўстанаўленне адпаведных паўнамоцтваў Савета Міністраў Рэспублікі Беларусь;

стварэнне Дзяржаўнага рэестра аўдытарскіх арганізацый, аўдытараў — індывідуальных прадпрымальнікаў, аўдытараў і вызначэнне парадку яго вядзення і пераліку звестак, якія ўключаюцца ў яго;

стварэнне ў Рэспубліцы Беларусь Аўдытарскай палаты, як адзінага органа самакіравання аўдытарскіх арганізацый, аўдытараў — індывідуальных прадпрымальнікаў і ўстанаўленне парадку яе функцыянавання;

увядзенне норм, якія прадугледжваюць упарадкаванне мер адказнасці аўдытарскіх арганізацый, іх службовых асоб, аўдытараў —індывідуальных прадпрымальнікаў, аўдытараў за парушэнне заканадаўства аб аўдытарскай дзейнасці і неналежную якасць аказання аўдытарскіх паслуг;

пашырэнне пераліку паслуг, якія аказваюцца аўдытарамі (кансультацыйныя паслугі па падатковым пытанням);

карэкціроўка нормы, якая ўстанаўлівае крытэрый выручкі для правядзення абавязковага аўдыту гадавой бухгалтарскай (фінансавай) справаздачнасці суб’ектаў гаспадарання (з 5 000 000 еўра на 500 000 базавых велічынь).

У цэлым рэалізацыя мер, прадугледжаных законапраектам, дазволіць скаардынаваць аўдытарскую дзейнасць, павысіць эфектыўнасць і якасць аўдыту.


Гісторыя разгледжання
Бягучая стадыя: Падрыхтоўка да другога чытання
Унесенне ў Палату прадстаўнікоў
Дата паступлення ў Палату прадстаўнікоў: 22.10.2018
Скліканне: Шостае скліканне
Сесія: Пятая сесія
Камісія, у якой разглядаецца законапраект: па бюджэце і фінансах
Адказны дэпутат: Вабішчэвіч Пётр Андрэевіч
Адказны работнік Сакратарыята: Давідовіч Наталля Віктараўна — галоўны саветнік аддзела па падрыхтоўцы законапраектаў і ўзаемадзеянні з Пастаяннай камісіяй Палаты прадстаўнікоў па бюджэце і фінансах

 


Першае чытанне
Усе законапраекты