Рус Бел En
Галоўная / Дзейнасць / Заканадаўчая дзейнасць / Законапраекты, што паступілі на разгляд у Палату прадстаўнікоў

«Аб змяненні Закона Рэспублікі Беларусь «Аб дарожным руху»

Суб'ект права заканадаўчай ініцыятывы: Савет Міністраў
Уваходны нумар: 4614
Апісанне законапраекта

9 лістапада 2021 года Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб змяненні Закона Рэспублікі Беларусь «Аб дарожным руху», унесены Саветам Міністраў Рэспублікі Беларусь.

Законапраект накіраваны на далейшае ўдасканаленне забеспячэння бяспекі дарожнага руху і прадугледжвае шэраг новаўвядзенняў, накіраваных на ўлік правапрымяняльнай практыкі, а таксама рэалізацыю палажэнняў іншых актаў заканадаўства, у тым ліку па пытаннях развіцця прадпрымальніцтва.

У прыватнасці, законапраект прадугледжвае:

увядзенне працэдуры выдачы міжнародных вадзіцельскіх пасведчанняў, прадугледжаных Канвенцыяй аб дарожным руху 1968 года;

захаванне права грамадзян Расійскай Федэрацыі кіраваць транспартнымі сродкамі на падставе свайго нацыянальнага вадзіцельскага пасведчання да заканчэння тэрміну яго дзеяння незалежна ад атрымання імі віду на жыхарства або грамадзянства Рэспублікі Беларусь;

магчымасць здачы кваліфікацыйных экзаменаў і атрымання права кіравання транспартнымі сродкамі без механічнай трансмісіі;

адмену адміністрацыйнай працэдуры па ўзгадненні з Дзяржаўнай аўтамабільнай інспекцыяй маршрутаў для практычнага навучання кіраванню механічнымі транспартнымі сродкамі;

скасаванне кантролю за выкананнем парадку правядзення дзяржаўнага тэхнічнага агляду транспартных сродкаў на дыягнастычных станцыях, парадку прадастаўлення паслуг па падрыхтоўцы, перападрыхтоўцы і павышэнні кваліфікацыі вадзіцеляў і асоб, якія навучаюць кіраванню механічнымі транспартнымі сродкамі;

правядзенне дзяржаўнага тэхнічнага агляду на дагаворнай аснове, а таксама вядзенне аўтаматызаванага ўліку вынікаў правядзення дзяржаўнага тэхнічнага агляду транспартных сродкаў (за выключэннем колавых трактароў і прычэпаў да іх) і іх допуску да ўдзелу ў дарожным руху;

адмену неабходнасці ўзгаднення з Дзяржаўнай аўтамабільнай інспекцыяй маршрутаў руху цяжкіх і (або) буйнагабарытных транспартных сродкаў;

удасканальванне парадку арганізацыі дарожнага руху за кошт вызначэння прынцыповай мэты — балансу бяспекі і эфектыўнасці дарожнага руху;

дапаўненне катэгорый колавых трактароў і самаходных машын для ўпарадкавання ўдзелу ў дарожным руху мотаўсюдыходаў, снегабалотаходаў, снегаходаў.

Шэраг змяненняў і дапаўненняў уносіцца з мэтай належнага кантролю за медыцынскім забеспячэннем бяспекі дарожнага руху, у тым ліку ў частцы аўтаматызаванага ўліку Міністэрствам аховы здароўя звестак аб выдадзеных медыцынскіх даведках аб стане здароўя, якія пацвярджаюць годнасць да кіравання транспартнымі сродкамі, а таксама аб асобах, прызнаных нягоднымі да кіравання транспартнымі сродкамі, з магчымасцю доступу Міністэрства ўнутраных спраў і Міністэрства сельскай гаспадаркі і харчавання да такіх звестак. Улічана стварэнне цэнтралізаванай інфармацыйнай сістэмы аховы здароўя, пры эксплуатацыі якой будуць ажыццяўляцца збор, атрыманне, перадача, апрацоўка, накапленне, захоўванне, пошук, выдача медыцынскай інфармацыі.

Законапраект таксама прадугледжвае:

выключэнне паўнамоцтваў органаў унутраных спраў па накіраванні вадзіцеляў механічных транспартных сродкаў, самаходных машын на абавязковы медыцынскі пераагляд;

устанаўленне парадку накіравання вадзіцеляў механічных транспартных сродкаў, самаходных машын на абавязковы медыцынскі пераагляд Саветам Міністраў Рэспублікі Беларусь;

павелічэнне тэрміну (з 30 да 60 дзён), па заканчэнні якога вадзіцель лічыцца не маючым права кіравання механічным транспартным сродкам, самаходнай машынай у сувязі з выдачай яму накіравання на праходжанне абавязковага медыцынскага пераагляду;

дапаўненне паўнамоцтваў шэрагу дзяржаўных органаў, якое неабходна для ліквідацыі выяўленых прабелаў прававога рэгулявання.

Інфармацыя аб законапраекце
Бягучая стадыя: Прыняты ў другім чытанні

Камісія, у якой разглядаецца законапраект: камісія па прамысловасці, паліўна-энергетычным комплексе, транспарце і сувязі

Адказны дэпутат: Камароўскі Ігар Сяргеевіч


Адказны работнік Сакратарыята:
Ледакович Віталій Рамуальдавіч — загадчык аддзела па падрыхтоўцы законапраектаў і ўзаемадзеянні з Пастаяннай камісіяй па прамысловасці, паліўна-энергетычным комплексе, транспарце і сувязі


Гісторыя разгледжання
1. Унясенне ў Палату прадстаўнікоў
Дата паступлення ў Палату прадстаўнікоў: 02.08.2018
Скліканне: Шостае скліканне
Сесія: Пятая сесія

2. Першае чытанне
3. Падрыхтоўка да другога чытання
Скліканне: Сёмае скліканне
Сесія: Пятая сесія

4. Другое чытанне
Усе законапраекты