«Аб змяненні Закона Рэспублікі Беларусь «Аб дзяржаўных сімвалах Рэспублікі Беларусь»

21 мая 2020 года  прыняты ў першым чытанні праект Закона Рэспублікі Беларусь «Аб змяненні Закона Рэспублікі Беларусь «Аб дзяржаўных сімвалах Рэспублікі Беларусь», унесены Саветам Міністраў Рэспублікі Беларусь.

Праект Закона падрыхтаваны ў мэтах выканання даручэнняў Прэзідэнта Рэспублікі Беларусь для прававога замацавання выявы Дзяржаўнага сцяга Рэспублікі Беларусь і шматколернай, двухколернай і аднаколернай (сярэбранай і залатой) выяў Дзяржаўнага герба Рэспублікі Беларусь у якасці эталонаў дзяржаўных сімвалаў Рэспублікі Беларусь.

Праект Закона карэкціруе двухколерную выяву Дзяржаўнага герба Рэспублікі Беларусь, а таксама ўстанаўлівае шматколерную і аднаколерную (сярэбраную і залатую) выявы Дзяржаўнага герба Рэспублікі Беларусь.

З улікам існуючай міжнароднай практыкі ў праект Закона ўключаны нормы па пашырэнні выкарыстання Дзяржаўнага сцяга Рэспублікі Беларусь для дзяржаўных органаў і арганізацый пры правядзенні спартыўных, спартыўна-масавых, культурна-відовішчных і іншых масавых мерапрыемстваў, а для грамадзян дададзены іншыя выпадкі выкарыстання пры ўмове забеспячэння неабходнай павагi да Дзяржаўнага сцяга Рэспублікі Беларусь.

У праект Закона таксама ўключаны нормы, згодна з якімі замена выявы Дзяржаўнага герба Рэспублікі Беларусь, якая не адпавядае названым вышэй эталонным малюнкам, ажыццяўляецца па меры яе выкарыстання або прыходу ў непрыдатнасць.