Галоўная / Беларуская версія / Дзейнасць / Заканадаўчая дзейнасць / Законапраекты, што паступілі на разгляд у Палату прадстаўнікоў

«Аб змяненні Закона Рэспублікі Беларусь «Аб электрасувязі»

Суб'ект права заканадаўчай ініцыятывы: Савет Міністраў
Уваходны нумар: 1758
Мова законапраекта: Русский
Апісанне законапраекта

26 чэрвеня 2019 года Палатай прадстаўнікоў Нацыянальнага сходу Рэспублікі Беларусь прыняты ў першым чытанні праект Закона Рэспублікі Беларусь «Аб змяненні Закона Рэспублікі Беларусь «Аб электрасувязі», унесены Саветам Міністраў Рэспублікі Беларусь.

Падрыхтоўка законапраекта абумоўлена неабходнасцю ліквідацыі прабелаў у прававым рэгуляванні пры ажыццяўленні кантрольнай (нагляднай) дзейнасці за выкарыстаннем на тэрыторыі Рэспублікі Беларусь выпраменьваючых радыёэлектронных сродкаў (РЭС) і высокачастотных прылад (ВЧП) і прывядзеннем Закона Рэспублікі Беларусь ад 19 ліпеня 2005 г. № 45-3 «Аб электрасувязі» ў адпаведнасць з патрабаваннямі Указа Прэзідэнта Рэспублікі Беларусь ад 16 кастрычніка 2017 г. № 376 «Аб мерах па ўдасканаленні кантрольнай (нагляднай) дзейнасці».

Прапанаваныя законапраектам змяненні накіраваны на стварэнне ўмоў для:

міжнароднай прававой абароны радыёчастотных прысваенняў Рэспублікі Беларусь;

устаранення неспрыяльнага ўздзеяння на РЭС і ВЧП на тэрыторыі Рэспублікі Беларусь з боку выпраменьваючых РЭС і ВЧП замежных дзяржаў;

выяўлення парушэнняў парадку і ўмоў далучэння сетак электрасувязі да сеткі электрасувязі агульнага карыстання, парадку іх узаемадзеяння і пропуску трафіку;

прадастаўлення ўладальнікам РЭС і (або) ВЧП магчымасці зняцця з рэгістрацыі РЭС і (або) ВЧП усіх прызначэнняў, якія знаходзяцца на тэрыторыі Рэспублікі Беларусь і якія з’яўляюцца крыніцамі электрамагнітнага выпраменьвання;

вызначэння суб’ектнага складу асоб, абавязаных ажыццяўляць юрыдычна значныя дзеянні пры рэгістрацыі і зняцці з рэгістрацыі сродкаў электрасувязі.

Мяркуецца, што ў выніку прыняцця законапраекта будзе забяспечана ўстойлівае і эфектыўнае развіццё сетак электрасувязі, цэнтралізаванае кіраванне радыёчастотным спектрам, стварэнне ўмоў для задавальнення патрэб у паслугах электрасувязі фізічных і юрыдычных асоб, а таксама дзяржаўных органаў.


Гісторыя разгледжання
Бягучая стадыя: Падрыхтоўка да першага чытання
Унесенне ў Палату прадстаўнікоў
Дата паступлення ў Палату прадстаўнікоў: 05.04.2019
Скліканне: Шостае скліканне
Сесія: Шостая сесія
Камісія, у якой разглядаецца законапраект: па прамысловасці, паліўна-энергетычным комплексе, транспарце і сувязі
Адказны дэпутат: Юніцын Андрэй Юр'евіч
Адказны работнік Сакратарыята: Ледаковіч  Віталій Рамуальдавіч — загадчык аддзела па падрыхтоўцы законапраектаў і ўзаемадзеянні з Пастаяннай камісіяй па прамысловасці, паліўна-энергетычным комплексе, транспарце і сувязі  

Трафімава Таццяна Анатольеўна — саветнік-кансультант аддзела па падрыхтоўцы законапраектаў і ўзаемадзеянні з Пастаяннай камісіяй па прамысловасці, паліўна-энергетычным комплексе, транспарце і сувязі 



Усе законапраекты