Рус Бел En
Галоўная / Дзейнасць / Заканадаўчая дзейнасць / Законапраекты, што паступілі на разгляд у Палату прадстаўнікоў

«Аб змяненні Закона Рэспублікі Беларусь «Аб мытным рэгуляванні ў Рэспубліцы Беларусь»

Суб'ект права заканадаўчай ініцыятывы: Савет Міністраў
Уваходны нумар: 2924
Апісанне законапраекта

25 чэрвеня 2021 года Палата прадстаўнікоў Нацыянальнага сходу Рэспублікі Беларусь прыняла праект Закона Рэспублікі Беларусь «Аб змяненні Закона Рэспублікі Беларусь «Аб мытным рэгуляванні ў Рэспубліцы Беларусь», унесены Саветам Міністраў Рэспублікі Беларусь па ўзгадненні з Кіраўніком дзяржавы.

Праект Закона накіраваны на ўдасканаленне прававога механізму рэгулявання адносін у сферы мытнай справы, прывядзенне заканадаўства Рэспублікі Беларусь у адпаведнасць з Мытным кодэксам Еўразійскага эканамічнага саюза (ЕАЭС), іншымі міжнароднымі дагаворамі і актамі ЕАЭС, а таксама на скарачэнне адміністрацыйных бар’ераў і спрашчэнне парадку здзяйснення мытных аперацый.

Праект Закона выкладае Закон Рэспублікі Беларусь «Аб мытным рэгуляванні ў Рэспубліцы Беларусь» у новай рэдакцыі.

Для зручнасці прымянення структура гэтага законапраекта прыведзена ў адпаведнасць са структурай Мытнага кодэкса ЕАЭС і складаецца з 9 раздзелаў, 62 глаў і 354 артыкулаў.

Законапраект рэгулюе толькі тыя пытанні, якія Мытным кодэксам ЕАЭС аднесены да кампетэнцыі нацыянальнага заканадаўства дзяржаў — членаў ЕАЭС або не ўрэгуляваны міжнароднымі дагаворамі і актамі, якія рэгулююць мытныя адносіны і складаюць права ЕАЭС.

У мэтах мінімізацыі бланкетных норм і падрыхтоўкі нарматыўнага прававога акта, які змяшчае нормы прамога дзеяння, у законапраекце рэалізавана значная частка адсылачных норм, якiя ўтрымлiваюцца ў Мытным кодэксе ЕАЭС. У праект Закона таксама ўключаны нормы ўказаў Прэзiдэнта Рэспублiкi Беларусь, якія рэгулююць праваадносіны ў сферах функцыянавання свабодных мытных зон, свабодных складоў, магазінаў бяспошліннага гандлю, парадак перамяшчэння тавараў для асабістага карыстання і іншыя пытанні.

У ходзе дапрацоўкі праекта Закона да другога чытання было разгледжана каля 300 заўваг і прапаноў дзяржаўных органаў і арганізацый Рэспублікі Беларусь. Большасць з іх былі ўлічаны ў прадстаўленым законапраекце.

У прыватнасці, удакладнены нормы, звязаныя з паняційным апаратам, парадкам ўступлення ў сілу законапраекта, асноўнымі функцыямі і правамі мытных органаў, змяшчэннем тавараў пад мытныя працэдуры, прадастаўленнем забеспячэння выплаты мытных пошлін, падаткаў, правядзеннем мытнага кантролю, здзяйсненнем мытных аперацый у дачыненні да асобных катэгорый тавараў.

Праект Закона дапрацаваны з улікам правапрымяняльнай практыкі, што будзе спрыяць спрашчэнню парадку перамяшчэння тавараў, разняволенню дзелавой актыўнасці, стварэнню спрыяльных умоў дзейнасці суб'ектаў гаспадарання Рэспублікі Беларусь.

Прыняцце праекта Закона паспрыяе далейшаму развіццю заканадаўства Рэспублікі Беларусь у сферы мытнай справы, а таксама стварэнню празрыстых і спрыяльных умоў для ўдзельнікаў знешнеэканамічнай дзейнасці пры мытным афармленні тавараў.

Інфармацыя аб законапраекце
Бягучая стадыя: Прыняты ў другім чытанні

Камісія, у якой разглядаецца законапраект: камісія па міжнародных справах

Адказны дэпутат: Назаранка Валянціна Аляксееўна


Адказны работнік Сакратарыята:
Паўловіч Галіна Зеноновна — загадчык аддзела  па падрыхтоўцы законапраектаў і ўзаемадзеянні з Пастаяннай камісіяй Палаты прадстаўнікоў па міжнародных справах

 


Гісторыя разгледжання
1. Унясенне ў Палату прадстаўнікоў
Дата паступлення ў Палату прадстаўнікоў: 25.06.2020
Скліканне: Сёмае скліканне
Сесія: Трэцяя пазачарговая сесія

2. Першае чытанне
3. Другое чытанне
Усе законапраекты