«Аб змяненні Закона Рэспублікі Беларусь «Аб парадку і ўмовах накіравання грамадзян у лячэбна-працоўныя прафілакторыі і ўмовах знаходжання ў іх»
Суб'ект права заканадаўчай ініцыятывы: Савет МіністраўУваходны нумар: 6407
19 лістапада 2020 года Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб змяненні Закона Рэспублікі Беларусь «Аб парадку і ўмовах накіравання грамадзян у лячэбна-працоўныя прафілакторыі і ўмовах знаходжання ў іх», унесены Саветам Міністраў Рэспублікі Беларусь.
Законапраект падрыхтаваны Міністэрствам унутраных спраў Рэспублікі Беларусь з мэтай прывядзення Закона Рэспублікі Беларусь «Аб парадку і ўмовах накіравання грамадзян у лячэбна-працоўныя прафілакторыі і ўмовах знаходжання ў іх» у адпаведнасць з Дэкрэтам Прэзідэнта Рэспублікі Беларусь ад 2 красавіка 2015 года № 3 «Аб садзейнічанні занятасці насельніцтва» і рэалізацыі даручэння Кіраўніка дзяржавы аб удасканаленні заканадаўства ў сферы прафілактыкі правапарушэнняў, аб накіраванні грамадзян у лячэбна-працоўныя прафілакторыі і знаходжанні ў іх.
У прыватнасці, законапраектам прапануецца:
замацаваць новую катэгорыю грамадзян, якія могуць накіроўвацца і знаходзіцца ў лячэбна-працоўных прафілакторыях: працаздольныя непрацуючыя грамадзяне, якія вядуць асацыяльны лад жыцця;
усталяваць пералік дакументаў, што падаюцца ў суд, пры накіраванні ў лячэбна-працоўныя прафілакторыі працаздольных непрацуючых грамадзян, якія вядуць асацыяльны лад жыцця;
падзяліць лячэбна-працоўныя прафілакторыі на два віды ў залежнасці ад умоў прымусовай ізаляцыі: лячэбна-працоўныя прафілакторыі для знаходжання грамадзян, упершыню накіраваных у іх, лячэбна-працоўныя прафілакторыі для знаходжання грамадзян, якія раней былі судзімыя, а таксама накіраваных у іх у другі і больш разоў;
прадугледзець абмежаванні ў матэрыяльна-бытавым забеспячэнні для грамадзян, якія знаходзяцца ў лячэбна-працоўных прафілакторыях, раней судзімых, а таксама накіраваных у іх у другі і больш разоў, у параўнанні з грамадзянамі, упершыню накіраваных у лячэбна-працоўныя прафілакторыі;
паменшыць з 25 да 15 працэнтаў памер заработнай платы i прыраўнаваных да яе даходаў, якія залічваюцца на асабісты рахунак грамадзян, якiя ўтрымлiваюцца ў лячэбна-працоўных прафілакторыях і абавязаны кампенсаваць расходы на ўтрыманне дзяцей, якія знаходзяцца на дзяржаўным забеспячэнні, і якія маюць запазычанасць па кампенсацыі такіх выдаткаў.
Камісія, у якой разглядаецца законапраект: камісія па нацыянальнай бяспецы
Адказныя дэпутаты:
Адказны работнік Сакратарыята:
Купава Уладзімір Віктаравіч — галоўны саветнік аддзела па падрыхтоўцы законапраектаў і ўзаемадзеяннi з Пастаяннай камісіяй Палаты прадстаўнікоў па нацыянальнай бяспецы
2. Першае чытанне
3. Другое чытанне