«Аб змяненні Закона Рэспублікі Беларусь «Аб Следчым камітэце Рэспублікі Беларусь»
Суб'ект права заканадаўчай ініцыятывы: Савет МіністраўУваходны нумар: 5712
7 красавіка 2021 года Палатай прадстаўнікоў Нацыянальнага сходу Рэспублікі Беларусь прыняты ў другім чытанні праект Закона Рэспублікі Беларусь «Аб змяненні Закона Рэспублікі Беларусь «Аб Следчым камітэце Рэспублікі Беларусь», унесены Саветам Міністраў Рэспублікі Беларусь 16 лістапада 2020 года.
Законапраектам забяспечваецца прывядзенне Закона Рэспублікі Беларусь «Аб Следчым камітэце Рэспублікі Беларусь» (далей — Закон) у адпаведнасць з Указам Прэзідэнта Рэспублікі Беларусь ад 25 чэрвеня 2020 г. № 244 «Аб стварэнні ўстановы адукацыі», які ўстанаўлівае стварэнне ўстановы адукацыі «Інстытут павышэння кваліфікацыі і перападрыхтоўкі Следчага камітэта Рэспублікі Беларусь» (далей — Інстытут).
Закон дапаўняецца артыкулам, які ўстанаўлівае арганізацыйна-прававы статус і структуру інстытута. Уносяцца змяненні, якія надзяляюць цэнтральны апарат Следчага камітэта паўнамоцтвамі па кіраўніцтву інстытутам, а таксама вызначаюць паўнамоцтвы Прэзідэнта Рэспублікі Беларусь па стварэнні, рэарганізацыі і ліквідацыі Інстытута. Акрамя таго, змены, якія ўносяцца ў Закон, надзяляюць старшыню Следчага камітэта паўнамоцтвамі па ўнясенні Прэзідэнту Рэспублікі Беларусь прапаноў аб стварэнні, рэарганізацыі і ліквідацыі Інстытута, па вызначэнні яго структуры, дэлегаванні часткі сваіх паўнамоцтваў начальніку Інстытута, распараджэнні маёмасцю інстытута, а таксама па зацвярджэнні яго статута.
У ходзе падрыхтоўкі да разгляду ў другім чытанні ў праект Закона ўнесены змены і дапаўненні рэдакцыйна-тэхнічнага і ўдакладняючага характару. Таксама ўстаноўлена магчымасць старшыні Следчага камітэта пераразмяркоўваць штатную колькасць пастаяннага складу ўстановы адукацыі Следчага камітэта, а ў артыкуле 91, якім дапаўняецца Закон Рэспублікі Беларусь «Аб Следчым камітэце», вызначана мэта функцыянавання названай установы адукацыі.
Камісія, у якой разглядаецца законапраект: камісія па адукацыі, культуры і навуцы
Адказны дэпутат: Рынейская Ірына Мікалаеўна
Адказны работнік Сакратарыята:
Гамеза Валерый Валяр’янавіч — загадчык аддзела па падрыхтоўцы законапраектаў і ўзаемадзеянні з Пастаяннай камісіяй па адукацыі, культуры і навуцы
2. Падрыхтоўка да першага чытання
3. Першае чытанне
4. Падрыхтоўка да другога чытання
5. Другое чытанне