Рус Бел En
Галоўная / Дзейнасць / Заканадаўчая дзейнасць / Законапраекты, што паступілі на разгляд у Палату прадстаўнікоў

«Аб змяненні законаў па пытаннях тэхнічнага рэгулявання і энергазберажэння»

Суб'ект права заканадаўчай ініцыятывы: Савет Міністраў
Уваходны нумар: 4003
Апісанне законапраекта

30 красавіка 2021 года Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб змяненні законаў па пытаннях тэхнічнага рэгулявання і энергазберажэння», унесены Саветам Міністраў Рэспублікі Беларусь.

Мэтай падрыхтоўкі законапраекта з’яўляецца прывядзенне шэрагу законаў Рэспублікі Беларусь у адпаведнасць з палажэннямі законаў Рэспублікі Беларусь «Аб тэхнічным нарміраванні і стандартызацыі», «Аб ацэнцы адпаведнасці тэхнічным патрабаванням і акрэдытацыі органаў па ацэнцы адпаведнасці», «Аб нарматыўных прававых актах», указаў Прэзідэнта Рэспублікі Беларусь ад 23 сакавіка 2016 г. № 106 «Аб дзяржаўных праграмах і аказанні дзяржаўнай фінансавай падтрымкі», ад 25 ліпеня 2016 г. № 289 «Аб парадку фарміравання, фінансавання, выканання і ацэнцы эфектыўнасці рэалізацыі дзяржаўных праграм», ад 16 кастрычніка 2009 г. № 510 «Аб удасканаленні кантрольнай (нагляднай) дзейнасці ў Рэспубліцы Беларусь» і ад 16 кастрычніка 2017 г. № 376 «Аб мерах па ўдасканаленні кантрольнай (нагляднай) дзейнасці».

Дакументам уносяцца змяненні і дапаўненні ў Кодэкс гандлёвага мараплаўства Рэспублікі Беларусь, законы Рэспублікі Беларусь «Аб газазабеспячэнні», «Аб дзяржаўным і мабілізацыйным матэрыяльных рэзервах», «Аб выкарыстанні атамнай энергіі», «Аб інфармацыі, інфарматызацыі і абароне інфармацыі», «Аб энергазберажэнні».

Адна з задач, што вырашаецца ў законапраекце — устанаўленне адзіных падыходаў па прымяненні норм тэхнічных рэгламентаў Еўразійскага эканамічнага саюза на тэрыторыі нашай краіны. Гэта павінна забяспечыць празрыстасць і абгрунтаванасць увядзення абавязковых тэхнічных патрабаванняў да прадукцыі і працэсаў у розных сферах дзейнасці.

Законапраект таксама ўлічвае напрацаваную правапрымяняльную практыку ў вобласці гандлёвага мараплаўства, газазабеспячэння, энергазберажэння.

Змяненні і дапаўненні, што ўносяцца ў Кодэкс гандлёвага мараплаўства Рэспублікі Беларусь, накіраваны на развіццё ўмоў для нарошчвання патэнцыялу гандлёвага мараплаўства пад беларускім сцягам. Для гэтага праектам Закона ўдакладняюцца некаторыя аспекты дзейнасці класіфікацыйных таварыстваў, якія ажыццяўляюць назіранне і класіфікацыю судоў. Праект дапоўнены нормай, якая адмяняе абмежаванне займання пасад капітана судна, старшага памочніка капітана судна, старшага механіка і радыёспецыяліста выключна грамадзянамі Рэспублікі Беларусь.

Палажэннямі законапраекта, што карэкціруюць Закон Рэспублікі Беларусь «Аб газазабеспячэнні», канкрэтызавана арганізацыйна-прававая форма газазабяспечвальнай арганізацыі, урэгуляваны пытанні дзяржаўнага нагляду ў вобласці газазабеспячэння, удакладнены асаблівасці развіцця газіфікацыі. 

Вялікі блок змяненняў прысвечаны ўдасканаленню заканадаўчага забеспячэння сферы энергетычнай эфектыўнасці. Законапраектам прадугледжана спрашчэнне працэдуры ўстанаўлення і ўзгаднення норм расходу паліўна-энергетычнай сыравіны.

Гісторыя законапраекта

19 лістапада 2020 года Палатай прадстаўнікоў Нацыянальнага сходу Рэспублікі Беларусь прыняты ў першым чытанні праект Закона Рэспублікі Беларусь «Аб змяненні законаў», унесены Саветам Міністраў Рэспублікі Беларусь.

У ходзе дапрацоўкі да другога чытання зменена назва. «Аб змяненні законаў па пытаннях тэхнічнага рэгулявання і энергазберажэння».

Інфармацыя аб законапраекце
Бягучая стадыя: Прыняты ў другім чытанні

Камісія, у якой разглядаецца законапраект: камісія па прамысловасці, паліўна-энергетычным комплексе, транспарце і сувязі

Адказны дэпутат: Сіняк Уладзімір Аляксандравіч


Адказны работнік Сакратарыята:
Бяразоўская Юлія Ігараўна —  саветнік-кансультант аддзела па падрыхтоўцы законапраектаў і ўзаемадзеянні з Пастаяннай камісіяй па прамысловасці, паліўна-энергетычным комплексе, транспарце і сувязі  
Гісторыя разгледжання
1. Унясенне ў Палату прадстаўнікоў
Дата паступлення ў Палату прадстаўнікоў: 28.08.2020
Скліканне: Сёмае скліканне
Сесія: Чацвёртая сесія

2. Першае чытанне
3. Падрыхтоўка да другога чытання
4. Другое чытанне
Усе законапраекты