«Аб змяненні законаў па пытаннях працоўных адносін»

16 красавіка 2021 года Палатай прадстаўнікоў Нацыянальнага сходу Рэспублікі Беларусь прыняты ў другім чытанні праект Закона Рэспублікі Беларусь «Аб змяненні законаў па пытаннях працоўных адносін», унесены Саветам Міністраў Рэспублікі Беларусь.

Праектам Закона прадугледжваюцца наступныя навацыі.

Працоўны кодэкс дапаўняецца новымі падставамі звальнення па ініцыятыве наймальніка:

за прымус іншых работнікаў да ўдзелу ў забастоўцы, стварэнне ім перашкод для выканання працоўных абавязкаў, а таксама за заклік да спынення выканання працоўных абавязкаў без уважлівых прычын;

за ўдзел у незаконнай забастоўцы, а таксама ў іншых формах адмовы ад выканання сваіх працоўных абавязкаў без уважлівых прычын;

адсутнасць на працы ў сувязі з адбываннем адміністрацыйнага спагнання ў выглядзе адміністрацыйнага арышту, які перашкаджае выкананню працоўных абавязкаў.

Законапраектам устанаўліваецца дысцыплінарная адказнасць за супрацьпраўныя дзеянні з персанальнымі дадзенымі, удакладняецца парадак прыцягнення работнікаў да дысцыплінарнай адказнасці, а таксама прадугледжваецца карэкціроўка асобных нарматыўных прадпісанняў у дачыненні да арганізацыі забастоўкі.

Праектам Закона прапануецца ўстанавіць забарону на правядзенне забастовак на прадпрыемствах, якія маюць небяспечныя вытворчыя аб’екты. Адпаведная норма ўносіцца ў Закон Рэспублікі Беларусь «Аб прамысловай бяспецы».

У ходзе падрыхтоўкі да другога чытання праект Закона «Аб змяненні законаў» змяніў назву на: Праект Закона Рэспублікі Беларусь «Аб змяненні законаў па пытаннях працоўных адносін».