«Аб змяненні законаў па пытаннях процідзеяння экстрэмізму»
Суб'ект права заканадаўчай ініцыятывы: Савет МіністраўУваходны нумар: 1491
16 красавіка 2021 года Палатай прадстаўнікоў Нацыянальнага сходу Рэспублікі Беларусь у другім чытанні прыняты праект Закона Рэспублікі Беларусь «Аб змяненні законаў па пытаннях процідзеяння экстрэмізму» (далей — праект), унесены ў Палату прадстаўнікоў Саветам Міністраў Рэспублікі Беларусь.
У ходзе падрыхтоўкі праекта да другога чытання:
дапрацавана фармулёўка тэрміна «экстрэмізм (экстрэмісцкая дзейнасць)»;
пералік суб’ектаў процідзеяння экстрэмізму дапоўнены ўказаннем на рэспубліканскі орган дзяржаўнага кіравання ў сферы культуры і Нацыянальную акадэмію навук;
у мэтах выключэння дубліравання норм Закона Рэспублікі Беларусь «Аб грамадзянстве Рэспублікі Беларусь», якія ўступяць у сілу з 18 чэрвеня 2021 года, з праекта выдалены палажэнні, якія тычацца страты грамадзянства Рэспублікі Беларусь за экстрэмісцкую дзейнасць.
Акрамя таго, для ўдакладнення значэння тэрмінаў «фінансавыя аперацыі» і «асаблівы кантроль» у праект уключана норма аб тым, што гэтыя тэрміны выкарыстоўваюцца ў значэннях, вызначаных Законам Рэспублікі Беларусь ад 30 чэрвеня 2014 г. № 165-З «Аб мерах па прадухіленні легалізацыі даходаў, атрыманых злачынным шляхам, фінансавання тэрарыстычнай дзейнасці і фінансавання распаўсюджвання зброі масавага паражэння», а таксама ўнесены іншыя карэкціроўкі рэдакцыйнага і юрыдыка-тэхнічнага характару.
Камісія, у якой разглядаецца законапраект: камісія па правах чалавека, нацыянальных адносінах і сродках масавай інфармацыі
Адказны дэпутат: Ананіч Лілія Станіславаўна
Адказны работнік Сакратарыята:
Дабрыян Уладзімір Пятровіч — загадчык аддзела па падрыхтоўцы законапраектаў і ўзаемадзеянні з Пастаяннай камісіяй па правах чалавека, нацыянальных адносінах і сродках масавай інфармацыі
2. Падрыхтоўка да першага чытання
3. Першае чытанне
4. Падрыхтоўка да другога чытання
5. Другое чытанне