«Аб змяненні законаў па пытаннях мясцовага кіравання і самакіравання»

28 чэрвеня 2023 года прыняты праект Закона Рэспублікі Беларусь «Аб змяненні законаў па пытаннях мясцовага кіравання і самакіравання», унесены Саветам Міністраў Рэспублікі Беларусь.

Мэтай падрыхтоўкі законапраекта з’яўляецца стварэнне ў рэспубліцы пастаянна дзеючага прававога механізма па рэалізацыі грамадзянскіх ініцыятыў.

У прыватнасці, прапануецца разглядаць рэалізацыю грамадзянскай ініцыятывы ў якасці формы мясцовага самакіравання ў Рэспубліцы Беларусь. У гэтай сувязі ў законапраекце вызначаецца, што грамадзянскія ініцыятывы — мерапрыемствы, накіраваныя на паляпшэнне якасці жыццядзейнасці насельніцтва адпаведнай адміністрацыйна-тэрытарыяльнай адзінкі або яе часткі, у тым ліку на добраўпарадкаванне тэрыторый зямель агульнага карыстання населеных пунктаў, будаўніцтва (узвядзенне, рэканструкцыю, рамонт, рэстаўрацыю, добраўпарадкаванне) сацыяльна значных аб’ектаў, агульную прафілактыку правапарушэнняў, папярэджанне траўматызму і гібелі грамадзян, а таксама рашэнне іншых пытанняў мясцовага значэння.

Акрамя таго, праект Закона замацоўвае парадак рэалізацыі дэпутатамі мясцовых Саветаў дэпутатаў паўнамоцтваў па ажыццяўленні міжнароднага супрацоўніцтва за межамі Рэспублікі Беларусь.

Прадугледжваецца права дэпутата мясцовага Савета дэпутатаў для больш цеснай сувязі з выбаршчыкамі, рашэння пытанняў, якія звязаны з яго дзейнасцю, мець не болей двух памочнікаў на грамадскіх пачатках.

Таксама законы Рэспублікі Беларусь «Аб статусе дэпутата мясцовага Савета дэпутатаў» і «Аб мясцовым кіраванні і самакіраванні ў Рэспубліцы Беларусь» прыводзяцца ў адпаведнасць са змяненнямі і дапаўненнямі Канстытуцыі Рэспублікі Беларусь, якія ўступілі ў сілу 15 сакавіка 2022 г., іншымі заканадаўчымі актамі.

1. Патапава Алена Станіславаўна
2. Ганчук Андрэй Аляксандравіч