Рус Бел En
Галоўная / Дзейнасць / Заканадаўчая дзейнасць / Законапраекты, што паступілі на разгляд у Палату прадстаўнікоў

«Аб змяненні законаў па пытаннях пенсіённага забеспячэння і дзяржаўнага сацыяльнага страхавання»

Суб'ект права заканадаўчай ініцыятывы: Савет Міністраў
Уваходны нумар: 2116
Апісанне законапраекта

28 катрычніка 2020 года Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб змяненні законаў па пытаннях пенсіённага забеспячэння і дзяржаўнага сацыяльнага страхавання», унесены Саветам Міністраў Рэспублікі Беларусь.

 

У артыкуле 1 праектам Закона Рэспублікі Беларусь «Аб змяненні законаў па пытаннях пенсіённага забеспячэння і дзяржаўнага сацыяльнага страхавання» прадугледжваецца прывядзенне норм Закона Рэспублікі Беларусь «Аб пенсіённым забеспячэнні» (далей –– Закон) у адпаведнасць з указамі Прэзідэнта Рэспублікі Беларусь ад 17 студзеня2020 г. № 15 «Аб змяненні ўказаў Прэзідэнта Рэспублікі Беларусь» і ад 18 мая 2020 г. № 171 «Аб сацыяльнай падтрымцы асобных катэгорый грамадзян». У прыватнасці, прапануецца:

карэкціроўка часткі першай артыкула 5 Закона з улікам зніжэння працягласці стажу работы з выплатай абавязковых страхавых узносаў у бюджэт дзяржаўнага пазабюджэтнага фонду сацыяльнай абароны насельніцтва (далей –– страхавы стаж) для назначэння працоўнай пенсіі: маці чацвярых дзяцей; грамадзянам з працяглай (не менш за 10 гадоў) інваліднасцю I і (або) II групы; грамадзянам з няпоўным страхавым стажам (больш за 10 гадоў, але менш патрэбнага для назначэння працоўнай пенсіі па ўзросце на агульных падставах);

замацаваць у артыкуле 8 Закона норму аб кампенсацыі за кошт сродкаў рэспубліканскага бюджэту выдаткаў на выплату пенсій па ўзросце пры няпоўным страхавым стажы ў памеры сацыяльнай пенсіі;

скарэктаваць артыкул 22 Закона з улікам зніжэння патрабаванняў да агульнага стажу работы для назначэння працоўнай пенсіі па ўзросце інвалідам з дзяцінства I і II групы;

дапоўніць артыкул 221 Закона катэгорыямі грамадзян, якім зніжаны патрабаванні па страхавым стажы для назначэння працоўнай пенсіі па ўзросце (маці чацвярых дзяцей;асобы, якія да дасягнення агульнаўстаноўленага пенсіённага ўзросту з’яўляліся інвалідамі I і (ці) II групы не менш за 10 гадоў);

скарэктаваць артыкул 51 Закона ў частцы павелічэння працягласці перыядаў догляду дзяцей ва ўзросце да трох гадоў, што ўключаюцца ў агульны стаж работы і ўлічваюцца пры вылічэнні пенсіі, з 9 да 12 гадоў;

распаўсюдзіць нормы артыкула 66 аб пераразліку пенсіі з улікам стажу работы пасля яе назначэння (пры ўмове неатрымання пенсii за гэты перыяд) на пенсію па ўзросце пры няпоўным страхавым стажы;

замацаваць у артыкуле 73 Закона палажэнні аб павелічэнні памеру сацыяльнай пенсіі маці і (ці) бацькам дзяцей-інвалідаў ва ўзросце да 18 гадоў, якія мелі трэцюю і (ці) чацвёртую ступені страты здароўя, прызнаных інвалідамі з дзяцінства I групы, якія ажыццяўляюць догляд гэтых дзяцей не менш за 20 гадоў.

Пачынаючы з 1 студзеня 2020 года работнікам, якія маюць права на датэрміновую прафесійную пенсію і адпрацавалі да 1 студзеня2009 года не менш за палову патрабаванага ільготнага стажу, даць права на назначэнне датэрміновай ільготнай пенсіі па Законе «Аб пенсіённым забеспячэнні» ўзамен датэрміновай пенсіі па Законе «Аб прафесійным пенсіённым страхаванні».

Артыкулам 2 праекта Закона ўносяцца змяненні у Закон Рэспублікі Беларусь «Аб індывідуальным (персаніфікаваным) уліку ў сістэме дзяржаўнага сацыяльнага страхавання» (далей –– Закон аб персаніфікаваным уліку). У прыватнасці, прадугледжваецца:

выкладанне ў новай рэдакцыі тэрмінаў «застрахаваная асоба», «індывідуальны (персаніфікаваны) улік у сістэме дзяржаўнага сацыяльнага страхавання» і ўдакладненне тэрміна «страхавы стаж»;

дапаўненнеў якасці плацельшчыка ўзносаў на дзяржаўнае сацыяльнае страхаванне арганізацыяй, у якой забяспечваўся грашовым забеспячэннем ваеннаслужачы тэрміновай ваеннай службы;

дапаўненне абавязкамі плацельшчыка страхавых узносаў прадстаўляць дакладныя звесткі, неабходныя для вядзення персаніфікаванага ўліку;

удакладненне пераліку органаў, якім могуць прадастаўляцца звесткі персаніфікаванага ўліку, вызначыўшы іх права на атрыманне такіх звестак у адпаведнасці з заканадаўчымі актамі.

Прадугледжваецца выкладанне ў новай рэдакцыі артыкула 6 Законааб персаніфікаваным уліку, які адлюстроўвае змест індывідуальнага асабовага рахунку застрахаванай асобы, у частцы яго дапаўнення інфармацыяй аб прозвішчы, уласным імя і імя па бацьку ў выпадку, калі ранейшыя былі зменены пасля рэгістрацыі застрахаванай асобы ў органах, якія ажыццяўляюць персаніфікаваны ўлік; сумах налічаных і выплачаных страхавых узносаў; звестках аб працоўнай дзейнасці; прычынах налічэння выплат (даходу), на якія налічваюцца ўзносы, ніжэй за ўзровень месячнай мінімальнай заработнай платы; даце назначэння і (ці) атрымання пенсii або дапамогi; перыядах атрымання штомесячнай даплаты да заработнай платы замест прафесійнага пенсіённага страхавання; інш. звестках.

Таксама прадугледжваецца карэкціроўка артыкула 9 Законааб персаніфікаваным уліку, якая рэгулюе правы і абавязкі застрахаваных асоб. Так, у частцы правоў застрахаванай асобы прапануецца:

выключыць патрабаванне да органаў, якія ажыццяўляюць персаніфікаваны ўлік, удакладнення і (ці) дапаўнення звестак, штозмяшчаюцца ў індывідуальным асабовым рахунку;

дапоўніць правам застрахаванай асобы пры ўмове адмовы плацельшчыка страхавых узносаў ва ўдакладненні і (ці) дапаўненні звестак, штозмяшчаюцца ў індывідуальным асабовым рахунку, звяртацца ў орган, які ажыццяўляе персаніфікаваны ўлік, і (ці) з заявай у суд.

Артыкулам 3 праекта Закона прадугледжваецца ўнясенне змяненняў у Закон «Аб прафэсійным пэнсіённым страхаванні».

Палажэнне пункта 1 артыкула 21 гэтага Закона прапануецца скарэктаваць у частцы, якая тычыцца выкарыстання пенсіённых зберажэнняў, улічаных на прафесійнай частцы асабовага рахунку застрахаванай асобы, пры назначэнні працоўнай пенсіі для кампенсацыі выдаткаў па фінансаванні працоўнай пенсіі ў перыяд да дасягнення застрахаванай асобай агульнаўстаноўленага пенсіённага ўзросту.

У пункце 2 артыкула 21 Закона «Аб прафэсійным пэнсіённым страхаванні»прапануецца права вызначэння парадку пералічэння пенсіённых зберажэнняў замацаваць за Міністэрствам працы і сацыяльнай абароны.


 

Гісторыя законапраекта

У праект Закона Рэспублікі Беларусь «Аб змяненні законаў» (па пенсіённых пытаннях) (ув. № 2116 ад 11.05.2020; прыняты ў першым чытанні 25 чэрвеня 2020 г. (Пастанова № 120-П7 / II)) уключаны праекты законаў Рэспублікі Беларусь «Аб змяненні Закона Рэспублікі Беларусь «Аб індывідуальным (персаніфікаваным) уліку ў сістэме дзяржаўнага сацыяльнага страхавання» (ув. № 1733 ад 10.04.2020; прыняты ў першым чытанні 4 чэрвеня 2020 г. (Пастанова № 90-П7 / II) і«Аб змяненні Закона Рэспублікі Беларусь «Аб пенсіённым забеспячэнні» (унесены Саветам Міністраў Рэспублікі Беларусь 13 жніўня 2020 года (ув. № 3739).

Аб’яднаны законапраект змяніў назву: «Аб змяненні законаў па пытаннях пенсіённага забеспячэння і дзяржаўнага сацыяльнага страхавання».

Законопроекты, которые вошли, как часть текущего законопроекта
Інфармацыя аб законапраекце
Бягучая стадыя: Прыняты ў другім чытанні

Камісія, у якой разглядаецца законапраект: па працы і сацыяльных пытаннях

Адказны дэпутат: Сільчонак Павел Мацвеевіч

Дэпутаты, якія працавалі над законапраектам:
1. Стаціўка Жанна Уладзіміраўна (работал(а) над законопроектом по 31.08.2020)

Адказны работнік Сакратарыята: Мычко Святлана Уладзіміраўна — саветнік-кансультант аддзела па падрыхтоўцы законапраектаў і ўзаемадзеянні з Пастаяннай камісіяй Палаты прадстаўнікоў па працы і сацыяльных пытаннях (да 31.08.2020)
Атрушкевіч Алена Анатольеўна — галоўны саветнік аддзела па падрыхтоўцы законапраектаў і ўзаемадзеянні з Пастаяннай камісіяй Палаты прадстаўнікоў па працы і сацыяльных пытаннях (з 01.09.2020)
 

 


Гісторыя разгледжання
1. Унясенне ў Палату прадстаўнікоў
Дата паступлення ў Палату прадстаўнікоў: 11.05.2020
Скліканне: Сёмае скліканне
Сесія: Другая сесія

2. Першае чытанне
3. Другое чытанне
Усе законапраекты
Сёмае скліканне
Навіны па тэме