«Аб змяненні законаў па пытаннях працоўных адносін»
Суб'ект права заканадаўчай ініцыятывы: Савет МіністраўУваходны нумар: 3346
31 мая 2023 года Палатай прадстаўнікоў Нацыянальнага сходу Рэспублікі Беларусь у другім чытанні прыняты праект Закона Рэспублікі Беларусь «Аб змяненні законаў па пытаннях працоўных адносін».
Мэтай падрыхтоўкі праекта Закона з’яўляецца карэкціроўка Працоўнага кодэкса Рэспублікі Беларусь (далей – Працоўны кодэкс) з улікам практыкі яго прымянення, аналізу эфектыўнасці апошніх змяненняў, выяўленых прабелаў.
У прыватнасці, законапраектам прадугледжаны наступныя змяненні Працоўнага кодэкса:
дапаўненне нормамі, якія ўрэгулююць магчымасць чаргавання перыядаў выканання работы дыстанцыйна і на працоўным месцы ў арганізацыі;
развіццё электроннай формы ўзаемадзеяння наймальніка і работніка, што дасць магчымасць у асобных выпадках адмовіцца ад вядзення папяровага дакументаабароту;
прадастаўленне дадатковых сацыяльна-працоўных гарантый работнікам пры праходжанні імі дыспансерызацыі ў арганізацыях аховы здароўя (работнікі будуць вызваляцца наймальнікамі ад работы з захаваннем сярэдняга заработку на пэўную колькасць дзён);
пашырэнне сацыяльна-працоўных гарантый бацькам, якія выхоўваюць дзяцей;
замена прадастаўляемага цяпер дадатковага свабоднага ад работы дня ў тыдзень скарачэннем штодзённай працягласці работы на адну гадзіну;
перыядычнасць выплаты заработнай платы работніку незалежна ад віду заключанага з ім працоўнага дагавора –– не радзей чым два разы ў месяц;
карэкціроўка падыходаў да рэгулявання асобных пытанняў па рабочым часе адносна прадастаўлення перапынку для адпачынку і харчавання;
пашырэнне магчымасці прыцягнення работнікаў да работы ў дзяржаўныя святы і святочныя дні;
прадастаўленне работнікам працоўных і сацыяльных водпускаў: пры раздзяленні працоўнага водпуску на часткі яго працягласць будзе вызначацца на дату прадастаўлення кожнай з частак, а таксама замацаванне парадку прадастаўлення працоўнага водпуску па пагадненні бакоў, г.зн. не ў адпаведнасці з графікам працоўных водпускаў.
Камісія, у якой разглядаецца законапраект: камісія па працы і сацыяльных пытаннях
Адказны дэпутат: Канановіч Людміла Мікалаеўна
Адказны работнік Сакратарыята:
Нiзаўцова Алена Валер'еўна – начальнік адзела па забеспячэнні дзейнасці Пастаяннай камісіі па працы і сацыяльных пытаннях
2. Падрыхтоўка да першага чытання
3. Першае чытанне
4. Падрыхтоўка да другога чытання
5. Другое чытанне
6. Другое чытанне
7. Другое чытанне