«Аб унясенні змяненняў і дапаўненняў у Закон Рэспублікі Беларусь «Аб адвакатуры і адвакацкай дзейнасці ў Рэспубліцы Беларусь»

13 чэрвеня 2017 года прыняты праект Закона «Аб унясенні змяненняў і дапаўненняў у Закон Рэспублікі Беларусь «Аб адвакатуры і адвакацкай дзейнасці ў Рэспубліцы Беларусь», унесены Саветам Міністраў Рэспублікі Беларусь.

Мэтай прыняцця праекта Закона з’яўляецца ўдасканальванне норм з улікам практыкі іх прымянення, арганізацыі дзейнасці адвакацкага супольніцтва, паляпшэння адвакацкай дзейнасці.

Законапраектам, у прыватнасці, прапануецца:

замацаваць прынцып арганізацыі адвакатуры самакіравання і самафінансавання;

пашырыць паўнамоцтвы Рэспубліканскай калегіі адвакатаў і ўзмацніць яе ролю;

удасканаліць парадак прыцягнення адвакатаў да дысцыплінарнай адказнасці;

аптымізаваць дысцыплінарнае вядзенне;

удасканальваць парадак вызначэння і зацвярджэння памеру і выплаты ўзносаў і інш.