Палата Представителей
Национального Собрания
Республики Беларусь
Законапраекты, што паступілі на разгляд у Палату прадстаўнікоў | Афiцыйны сайт Палаты прадстаўнікоў Нацыянальнага сходу Рэспублікі Беларусь
Рус Бел Eng
Галоўная / Дзейнасць / Заканадаўчая дзейнасць / Законапраекты, што паступілі на разгляд у Палату прадстаўнікоў
.
Каляндар пасяджэнняў Палаты прадстаўнікоў

«Аб унясенні дапаўненняў і змяненняў у Паветраны кодэкс Рэспублікі Беларусь»

Суб'ект права заканадаўчай ініцыятывы: Савет Міністраў
Уваходны нумар: 5929
Апісанне законапраекта
17 мая 2018 года Палатай прадстаўнікоў Нацыянальнага сходу Рэспублікі Беларусь прыняты праект Закона Рэспублікі Беларусь «Аб унясенні дапаўненняў і змяненняў у Паветраны кодэкс Рэспублікі Беларусь», унесены Саветам Міністраў Рэспублікі Беларусь са згоды Прэзідэнта Рэспублікі Беларусь.

 

Падрыхтоўка законапраекта абумоўлена тым, што правапрымяняльнай практыкай выяўлены шэраг недахопаў у Паветраным кодэксе Рэспублікі Беларусь, якія не дазваляюць Дзяржаўнаму ваенна-прамысловаму камітэту Рэспублікі Беларусь у поўным аб’ёме і з належнай якасцю рэалізоўваць ускладзеныя на яго паўнамоцтвы ў галіне эксперыментальнай авіяцыі.

Шэраг патрабаванняў і нарматыўных прадпісанняў Паветранага кодэкса рэгламентуе праваадносіны толькі ў галіне грамадзянскай авіяцыі, у той час як яны павінны распаўсюджвацца таксама і на адносіны ў галіне эксперыментальнай і дзяржаўнай авіяцыі. Гэта датычыцца пытанняў сертыфікацыі, кантролю, допуску да эксплуатацыі паветраных суднаў і г.д.

У гэтых мэтах пашыраецца і ўдакладняецца паняційны апарат Паветранага кодэкса, асобнае прававое рэгуляванне атрымліваюць беспілотныя авіяцыйныя комплексы (далей — БАК), у той час як дзеючае заканадаўства рэгулюе толькі выкарыстанне беспілотных лятальных апаратаў (далей — БПЛА), якія з’яўляюцца часткай БАК.

Адсутнасць сістэм, якія прадухіляюць сутыкненне БПЛА з пілатуемымі паветранымі судамі, і высокая верагоднасць некантралюемага падзення на зямлю істотна абмяжоўваюць магчымасць выканання палётаў БПЛА ў агульнай паветранай прасторы сумесна з іншымі лятальнымі апаратамі, а таксама магчымасць выкарыстання БПЛА ў населеных раёнах. Для зніжэння ўзроўню рызыкі нанясення шкоды прапануецца абавязковасць працэдуры сертыфікацыі БАК у залежнасці ад класіфікацыі БПЛА па ўзлётнай масе.

Выключаецца прабел у Паветраным кодэксе ў частцы адсутнасці органа, які ажыццяўляе кантроль у галіне эксперыментальнай авіяцыі. Гэты кантроль прапануецца ўскласці на спецыяльна ўпаўнаважаны орган у галіне эксперыментальнай авіяцыі — Дзяржаўны ваенна-прамысловы камітэт Рэспублікі Беларусь.

Істотна перапрацаваны артыкул 381Паветранага кодэкса («Медыцынскае забеспячэнне палётаў»). У прапанаванай яго новай рэдакцыі забяспечана ўзгодненасць прававых норм і прадпісанняў як унутры Паветранага кодэкса, так і самога кодэкса з іншымі заканадаўчымі актамі, ліквідаваны калізіі ў правапрымяняльнай практыцы і забяспечана выкананне канстытуцыйных правоў грамадзян Рэспублікі Беларусь. У прыватнасці, медыцынскае забеспячэнне дапаўняецца навучаннем экіпажа грамадзянскага паветранага судна метадам аказання першай дапамогі пры станах, якія прадстаўляюць пагрозу для жыцця і (або) здароўя пасажыраў на борце грамадзянскага паветранага судна. Акрамя таго, ствараецца дакладная сістэма нарматыўнага рэгулявання медыцынскага забеспячэння палётаў адпаведнымі авіяцыйнымі правіламі.

Акрамя таго, у Паветраны кодэкс уносіцца шэраг норм, якія вынiкаюць з Дэкрэта Прэзідэнта Рэспублікі Беларусь ад 23 лістапада 2017 г. № 7 «Аб развіцці прадпрымальніцтва». У прыватнасці, адзначаецца, што авіяцыйныя правілы не павінны ўтрымліваць палажэнні, што патрабуюць урэгулявання на ўзроўні нарматыўных прававых актаў, якія не з’яўляюцца тэхнічнымі.

Законапраект прадугледжвае значную колькасць іншых карэкціровак Паветранага кодэкса з улікам практыкі правапрымянення.

Інфармацыя аб законапраекце
Бягучая стадыя: Прыняты ў другім чытанні

Камісія, у якой разглядаецца законапраект: камісія па прамысловасці, паліўна-энергетычным комплексе, транспарце і сувязі

Адказныя дэпутаты:
  1. Камароўскі Ігар Сяргеевіч
  2. Русак Віктар Рамуальдавіч


Адказны работнік Сакратарыята:
Ледаковіч Віталь Рамуальдавіч — загадчык аддзела па падрыхтоўцы законапраектаў і ўзаемадзеянні з Пастаяннай камісіяй Палаты прадстаўнікоў па прамысловасці, паліўна-энергетычным комплексе, транспарце і сувязі
Гісторыя разгледжання
1. Унясенне ў Палату прадстаўнікоў
Дата паступлення ў Палату прадстаўнікоў: 23.10.2017
Сесія: Трэцяя сесія

2. Першае чытанне
3. Другое чытанне
Усе законапраекты

220010, Рэспубліка Беларусь, г. Мінск, вул. Савецкая, 11

Аддзел па арганізацыі работы з дакументамі
Тэл. (017) 222 32 62
Факс: (017) 327 37 84
E-mail: kc1@house.gov.by

Аддзел па рабоце са зваротамі грамадзян і юрыдычных асоб
Тэл. (017) 222 62 52
          (017) 222 63 58
E-mail: letters@house.gov.by

Накіраваць электронны зварот на адрас Палаты прадстаўнікоў Нацыянальнага сходу Рэспублікі Беларусь і яе Cакратарыята вы можаце тут

Тэл. (017) 222 64 75
Факс: (017) 222 32 13
E-mail: inform@house.gov.by